Qazaqstanda júrgizýshi kýáligin kórsetý mindetti emes – Prezıdent zańǵa qol qoıdy
«Ulttyq keńestiń júzege asyrylǵan bastamalary portfelinde taǵy bir zań bar. Búgin Memleket basshysy «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrý engizý týraly» Qazaqstan Respýblıkasynyń Zańyna qol qoıdy.
Jańa normalarǵa sáıkes, qazaqstandyq júrgizýshiler endi ózimen birge tek jeke kýáligin alyp júrse jetkilikti», - dep jazdy E. Qarın Telegram kanalynda .
Onyń aıtýynsha, 2019 jyldyń 20 jeltoqsanynda Ulttyq keńestiń ekinshi otyrysynda Prezıdent Qasym-Jomart Toqaev alǵash ret osy bastamany jarııalaǵan bolatyn. Osy arqyly búgingi zań Ulttyq qoǵamdyq senim keńesiniń aıasynda qabyldanǵan 12-shi qujat.
«Qazirgi kezde taǵy 7 zań jobasy qarastyrýdyń túrli satysynda tur. Osyǵan deıin jarııalanǵan jańa bastamalar aıasynda jaqyn arada birqatar basqa da zań jobalary ázirlenedi», - dedi Erlan Qarın.
Eske sala keteıik, 21 qańtarda Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrý engizý týraly» Zańy eki oqylymda qaralyp, qabyldandy.
Zańda Qazaqstan Respýblıkasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normany qoldanystaǵy zańnamadan alyp tastaý eskerilgen. ıAǵnı, avtokólik ıesin polıtsııa toqtatqan kezde, ol jeke kýáligin usynyp, sol jeke kýálikpen polıtsııa qyzmetkeri planshet arqyly elektrondyq bazada onyń qajetti qujattary boıynsha tekserý júrgize alady.