Qazaqstanda jumyspen qamtý salasyndaǵy onlaın sýpermarket qurylady
Elektrondyq eńbek bırjasy (EEB) bazasynda ashylyp jatqan onlaın qyzmetter sýpermarketi azamattardy mamandyq tańdaýdan bastap eńbek qatynastaryn resimdeýge deıin qoldaý bildiredi.
Búgingi tańda EEB bazasynda jumyspen qamtý salasyndaǵy bolashaq sýpermarkettiń 6 negizgi quramdas bóliginiń beseýi iske asyryldy.
EEB negizgi elementi – bul jumysqa ornalastyrý boıynsha biryńǵaı tsıfrlyq alań Enbek.kz. Onda 205 jumyspen qamtý ortalyǵynyń, 44 jeke jumyspen qamtý agenttiginiń jáne 5 onlaın jumyspen qamtý alańynyń vakansııalary shoǵyrlanǵan. Bul alańda azamattar baǵyttar, kásipter jáne daǵdylar boıynsha laıyqty bos jumys oryndaryn, al jumys berýshiler – olardyń talaptaryna sáıkes keletin qyzmetkerlerdi izdeı alady.
Bul rette Armenııa, Belarýs, Qyrǵyzstan men Reseıdiń ulttyq aqparattyq júıelerine qoljetimdiligi bar «Shekarasyz jumys» biryńǵaı izdeý júıesiniń arqasynda tek Qazaqstanda ǵana emes, Eýrazııa ekonomıkalyq odaq elderinde de jumys tabýǵa bolady.
Sondaı-aq EEB bazasynda halyq úshin qajetti daǵdylar boıynsha Skills Enbek –marketpleıs kýrstarynyń onlaın oqytý platformasy jumys isteıdi. Oqytý barlyq nıet bildirýshiler úshin qazaq jáne orys tilderinde ótkiziledi. Búgingi tańda 150-den astam kýrs ornalastyrylǵan, olardyń 103-i – tegin. Bul rette 124 myńǵa jýyq adam belgili bir kýrstan ótip, tıisti daǵdylardy ıgerý týraly sertıfıkat aldy.
«Jumyspen qamtýdyń tsıfrlyq ınfraqurylymyndaǵy taǵy bir jańalyq HR Enbek platformasy – jaldamaly jumysshylardyń eńbek jolyn tsıfrlyq esepke alý alańy boldy. Búginde platformany 272 myńǵa jýyq jumys berýshi paıdalanady. Bul eldegi barlyq jaldamaly qyzmetkerlerdiń 63% qamtıdy», – dedi«Eńbek resýrstaryn damytý ortalyǵy» AQ prezıdenti Dáýlet Arǵyndyqov.
Portaldyń kómegimen elektrondy eńbek sharttaryn jasaý múmkindigi bar, osylaısha qyzmetkerler avtomatty túrde elektrondy eńbek kitapshasyn da toltyra alady. Memlekettik organdardyń aqparattyq júıelerimen ıntegratsııanyń arqasynda basy artyq qujattar men anyqtamalardy jınamastan jumyskerlerdiń jeke isterin avtomatty túrde qalyptastyrýǵa bolady.
Platforma bızneske elektrondy kadrlyq is júrgizýdi tıimdi júrgizýge, qyzmetkerlerdi jaldaý kezinde shyǵyndar men derekterdi burmalaý táýekelderin azaıtýǵa múmkindik beredi.
Sonymen qatar jumys berýshiler úshin eńbek zańnamasynyń talaptaryn saqtaýǵa anonımdi ózin-ózi dıagnostıkalaý servısi iske qosyldy.
Sondaı-aq, jumyspen qamtýdyń tsıfrlyq ekojúıesiniń mańyzdy elementi Business Enbek platformasy bolyp tabylady. Ol bıznes-ıdeıalardy iske asyrýǵa memlekettik granttar alýdyń: ótinish berýden bastap granttyń ózin alýǵa deıingi barlyq protsesterin tolyq avtomattandyrý úshin iske asyrylǵan. Barlyq qujattama elektrondyq formatta resimdeledi. Qazirgi ýaqytta 12 myńnan astam ótinim maquldandy. Jyl sońyna deıin barlyǵy 20 myń grant berý josparlanyp otyr.
Kelesi jyly taǵy bir mańyzdy element – mamandyqtar boıynsha tsıfrlyq jol siltegishti iske qosý josparlanýda. Ol eńbek naryǵyndaǵy barlyq mamandyqtar týraly aqparat jıyntyǵynyń bir túri bolady. Árbir izdenýshi belgili bir mamannyń ne isteıtinin, ol úshin qandaı bilim qajet ekenin, ortasha jalaqy mólsherin, eńbek naryǵyndaǵy osyndaı kadrlarǵa degen qajettilik týraly bile alady. Bul mamandyq pen odan ári mansap tańdaý aldynda turǵandarǵa kómektesedi.