Qazaqstanda jumysqa turý kezinde adamnyń jasy boıynsha kemsitýshilikke tosqaýyl qoıylady

ASTANA. 8 sáýir. QazAqparat - Qazaqstanda jumysqa turý kezinde adamnyń jasy boıynsha kemsitýshilikke tosqaýyl qoıylady.

Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Eńbek jáne halyqty áleýmettik qorǵaý vıtse-mınıstri Tamara Dúısenova málim etti.

«Eńbek kodeksinde kelesideı ózgerister engizilýde: jumys berýshi qyzmetke alý týraly vakansııa jarııalaý kezinde azamattyń jasy boıynsha dıskrımınatsııany engizbeýi tıis. Ekinshiden, eńbek kelisimshartyn bekitý kezinde jumys berýshi kemsitýshilik maǵynadaǵy talaptardy ataýǵa quqy joq. Sonymen qatar jumys berýshi zeınetaldy jastaǵy azamattarmen birjaqty tártipte kelisimshartty buzý quqyna ıe bolmaıdy», - dedi vıtse-mınıstr.