Qazaqstanda jumysshy mamandar jetispeıdi

<p>QR Eńbek jáne halyqty áleýmettik qorǵaý vıtse-mınıstri Oljas Ordabaev elimizde qandaı mamandar eń kóp suranysqa ıe ekenin aıtyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

«Birinshi kezekte jumysshy kadrlar jetispeýshiligi bar, bul úrdis áli de saqtalýda. Buǵan kásiptik bilim berý men kolledj túlekterin jatqyzýǵa bolady. Sondyqtan bizdiń basty nazarymyz – jumysshy sanattarynyń qalaı daıyndalatynyna baılanysty bolady», - dedi Oljas Ordabaev elordada «Ózgeris dáýirindegi eńbek naryǵy» atty halyqaralyq konferentsııa kýlýarynda.

Sonymen birge, vıtse-mınıstr búgingi forýmda keleshektegi ekonomıka úshin kadrlar qalaı daıyndalatyny, halyq úshin sapaly jumys oryndary qalaı qurylatyny, eńbek naryǵynyń ınfraqurylymy qalaı jumys isteıtini talqylanatynyn atap ótti.

«Bul rette mansap ortalyqtaryn, elektrondy eńbek bırjasyn aıtýǵa bolady. ıAǵnı, eńbek naryǵyna shyǵatyn jastardyń jumys berýshi men jumysshylar arasyndaǵy baılanysty qamtamasyz etý joldary týraly suranysqa ıe daǵdylar alý úshin osy tetikterdiń qalaı úılesimdi jumys isteýi kerektigi qaralady», - dep tolyqtyrdy vıtse-mınıstr.

Aıta keteıik, elordada «Ózgeris dáýirindegi eńbek naryǵy: syn-tegeýrinder, jańartýlar jáne perspektıvalar» atty halyqaralyq konferentsııa ótip jatyr. Onda otandyq jáne sheteldik sarapshylar álemdik ekonomıkanyń qazirgi jaǵdaıy men perspektıvalaryn, jahandyq eńbek naryǵynyń damý úrdisterin, sapaly jumys oryndaryn qurý múmkindikterin jáne olarǵa bıznes-ortanyń áserin, tehnıkalyq jáne kásiptik bilim berý salasyndaǵy qajetti ózgeristerdi, sondaı-aq álemde adamı kapıtaldy damytý máseleleri talqylanady.