Qazaqstanda júktiliktiń 9-aptasynda uryqtyń DNK dıagnostıkasy jasala bastaıdy

ASTANA. QazAqparat – Elimizde júktiliktiń 9-aptasynan bastap uryqtyń DNK dıagnostıkasyn jasaý múmkindigi engizildi, dep habarlaıdy QazAqparat Densaýlyq saqtaý mınıstrligine silteme jasap.

Bul zertteý júktiliktiń erte kezeńinde uryqtyń hromosomalyq aýytqýlaryn anyqtaýda uryq pen áıelder úshin eń sezimtal jáne qaýipsiz bolyp tabylady.

Prenataldy ýltradybystyq dıagnostıka boıynsha eldegi jetekshi mamandardan Saraptama toby quryldy.

Sondaı-aq QR Densaýlyq saqtaý mınıstrliginiń bas genetıgi, professor Gúlshara Ábildınova jáne QR Densaýlyq saqtaý mınıstrliginiń prenataldy dıagnostıkadan ýltradybystyq zertteý boıynsha bas mamany, m.ǵ.d. Janar Qurmanǵalı dárigerler men genetıkterdiń kásibı daıarlyǵyn arttyrý boıynsha oqytý ótkizdi. Búgingi tańda halyqaralyq standarttarǵa sáıkes prenataldy ýltradybystyq dıagnostıka boıynsha 150 dáriger sertıfıkattaldy.

Atalǵan dıagnostıkany óńirlerde qoldaný máselesi pysyqtalyp jatyr. Qazirgi ýaqytta óńirlerde perınataldy nátıjelerdi jaqsartý úshin «Uryqty qorǵaý ortalyqtary» uıymdastyrylǵan.

Óz kezeginde, júktilik kezinde skrınıng zertteýlerin ýaqtyly júrgizý týabitti patologııa boıynsha qaýip tobyn anyqtaýǵa jáne uryqtyń damýyndaǵy aýytqýlardyń úlken spektrine dıagnostıka jasaýǵa múmkindik beredi.

Foto: mommylabornurse.com