Qazaqstanda júkti áıelderdi skrınıngpen qamtý 10% ósti

<p>ASTANA. KAZINFORM &ndash; Uryq patologııasyn erte anyqtaý úshin bıyl júkti áıelderdiń 87%-y perınataldyq skrınıngten ótti, bul ótken jylǵy kórsetkishten 10%-ǵa joǵary. Bul týraly QR DSM Ana men bala densaýlyǵyn qorǵaý departamentiniń dırektory Maǵrıpa Embergenova aıtyp berdi.</p>

«Búgingi tańda 270 myńǵa jýyq áıel júktilik boıynsha esepte tur. Olardyń 61%-y usynylǵan erte merzim – 10 aptaǵa deıin esepke alyndy. Eki jyl buryn bul kórsetkish 40%-dan tómen bolǵan», - dedi spıker Ortalyq kommýnıkatsııalar qyzmetinde.

Sonymen birge, reprodýktıvti jastaǵy jáne anemııasy bar júkti áıelderge quramynda temir bar preparattar respýblıkalyq bıýdjet esebinen beriledi.

Perınataldyq skrınıng júrgizýdiń qoljetimdiligin jaqsartý jáne júkti áıelderge jaılylyq pen yńǵaılylyqty qamtamasyz etý úshin elimizdiń 10 óńirinde «Bir kúndik klınıka» jobasy iske asyrylýda. Onda júkti áıelder bir kúnde tekserýden ótip, uryqtyń jaǵdaıy týraly aqparat ala alady.

Aıta keteıik, elimizde bosaný salasynda 5 myńnan astam akýsher-gınekolog jáne 9 myńnan astam akýsher jumys isteıdi, olar jyl saıyn orta eseppen 400 myń júkti áıeldi bosandyryp, baqylaıdy.

Qazaqstanda barlyǵy 6 respýblıkalyq ortalyq, 26 balalar aýrýhanasy jáne 66 balalardy ońaltý ortalyǵy medıtsınalyq kómek kórsetedi.

Infraqurylymdy damytýdyń 2024-2030 jyldarǵa arnalǵan tujyrymdamasynda perınataldyq ortalyqtar men balalar klınıkalaryn qamtıtyn kópbeıindi aýrýhanalar salýǵa basymdyq berilgen.