Qazaqstanda júk kólikterin ótkizetin beketter belgilendi

NUR-SULTAN. QazAqparat – Qazaqstanda tótenshe jaǵdaıdyń jarııalanýyna baılanysty shekara qyzmeti Qazaqstan jáne shetel azamattary, sondaı-aq syrtqy ekonomıkalyq salaǵa qatysýshylar úshin memlekettik shekara arqyly kirý jáne shyǵýǵa qoıylǵan shekteýler týraly mańyzdy málimetti jarııalady, dep habarlaıdy QazAqparat tilshisi.

Tótenshe jaǵdaı kezeńinde Qazaqstan Respýblıkasynyń azamattary men sheteldikterge memlekettik shekaradan ótýge shekteý qoıylady.

Degenmen, myna sanattǵa azamattarǵa ruqsat berilgen:

- shetelge buryn ketip qalǵan, biraq qazir Qazaqstanǵa oralýdy kózdegen Qazaqstan Respýblıkasynyń azamatyna;

- densaýlyq saqtaý mekemelerinen rastaıtyn qujaty bar, shetelge emdelýge shyqqan azamatqa.

Qazaqstanǵa memlekettik shekaradan kirý jáne shyǵý úshin qandaı qujattardyń kerektigin jáne júk kólikterin ótkizetin avtokólikti ótkizý pýnktileriniń tizimin myna siltemeden kórýge bolady.