Qazaqstanda júk kóligi júrgizýshilerine shamamen 100 mln teńge aıyppul salyndy

<p>ASTANA. KAZINFORM &ndash; Elimiz boıynsha Kólik mınıstrliginiń bastamasymen &laquo;Nazar aýdaryńyz, aýyr salmaqty avtokólik&raquo; reıdtik is-sharasy uıymdastyrylyp, onyń barysynda aýyr salmaqty kólikterdiń, onyń ishinde samosvaldardyń qozǵalysy boıynsha baqylaý kúsheıtildi.</p>

Aýyr júk kólikteriniń shamadan tys júk tasymaldaýynyń aldyn alý jáne baqylaý boıynsha sharanyń aralyq qorytyndylary týraly aıta kele, aıyppuldardyń basym bóligi Mańǵystaý, Aqtóbe jáne Jetisý oblystarynda salynǵanyn atap ótken jón.

«Osylaısha, atalǵan reıdtik is-sharalardyń nátıjesinde shamamen 100 mln teńge somasynda ákimshilik aıyppul salýmen 293 buzýshylyq anyqtalǵan. Jalpy, aktsııa bastalǵannan beri kóliktik baqylaý ınspektsııalary buqaralyq aqparat quraldarynyń ókilderimen birlesip 30 ret ınspektsııa jasady», - dep jazdy Kólik mınıstrliginen.

Aıta keterligi, aýyr júk samosvaldarymen tasymaldaý kezinde jol qozǵalysy erejelerin jáne júkterdi tasymaldaý erejelerin, onyń ishinde avtokólik quraldarynyń ruqsat etilgen salmaq ólshemin buzýǵa jol beriledi.

Búgingi tańda elimiz boıynsha barlyǵy 450 myńnan astam júk kóligi tirkelgen, onyń ishinde 60 myńnan astamy samosvaldar. Esterińizge sala keteıik, aýyr júk kólikterine ınertti materıaldardy tasymaldaýǵa ruqsat etilgen norma 25 tonnany quraıdy.

Beıindi mınıstrliktiń 2015 jylǵy 26 naýryzdaǵy № 342 buıryǵyna sáıkes júkterdi tasymaldaý kezinde belgilengen ruqsat etilgen parametrlerdiń saqtalýyn qamtamasyz etý qajet.