Qazaqstanda josparly medıtsınalyq qyzmet kezeń-kezeńimen jandanady

NUR-SULTAN. QazAqparat – Tamyz aıynan bastap Qazaqstan halqyna josparly medıtsınalyq kómek kórsetý kezeń-kezeńimen jandanady, dep habarlaıdy QazAqparat Densaýlyq saqtaý mınıstrligine silteme jasap.

«Pandemııa kezinde kóptegen medıtsınalyq uıymdar COVID-19-ke qarsy kúreske qatysty. Halyqqa josparly jáne joǵary tehnologııalyq medıtsınalyq kómek kórsetý ýaqytsha toqtatyldy. Tamyz aıynan bastap, respýblıkalyq klınıkalarda josparly medıtsınalyq kómek kórsetý kezeń-kezeńmen qaıta bastalady», - dep habarlady mınıstrliktiń baspasóz qyzmeti Telegram jelisinde.

https://web.telegram.org/#/im?p=@DenMinPR

Endi naýqastar sany 50 paıyzdan tómen statsıonarlarda beıindi jáne josparly tósek-oryndardyń 50 paıyzyn qaıta ashý josparlanýda.

«Halyqqa josparly, sonyń ishinde joǵary tehnologııaly medıtsınalyq kómek kórsetýdi kezeń-kezeńimen jandandyrý boıynsha mınıstrlik jospar ázirledi. Bul jumystar aıasy tar salalardyń qyzmet kórsetýine jáne COVID-19-pen kúreske medıtsınalyq uıymdardyń qatysýy dárejesine baılanysty júrgiziledi», - dep atap ótti Densaýlyq saqtaý mınıstri Alekseı Tsoı.