Qazaqstanda Joshy esimdi 31 adam tirkelgen – Ulttyq statbıýro

<p>ASTANA. KAZINFORM &ndash; Memleket basshysy Qasym-Jomart Toqaev Joshy hannyń esimin ulyqtaýdyń, kesenesin mádenı týrızm nysanyna aınaldyrýdyń mańyzdylyǵyn aıqyndaǵan bolatyn. Esim demekshi, qazaqstandyqtar balasyna erekshe at qoıýǵa umtylatyny belgili. Osy oraıda, Ulttyq statıstıka bıýrosyna habarlasyp, Joshy esimdi qansha qazaqstandyq bar ekenin surap bilgen edik.</p>

Qoǵamda Joshy han týraly maǵlumattar endi ǵana qyzý talqylanyp jatqandyqtan, Joshy esimdi qazaqstandyqtardyń az bolatynyn boljaǵan edik. Dese de, Joshy esimdi 31 adamnyń baryn bilip, eleń ete qaldyq. Aıtpaqshy, Djýchı esimdi 3, Djoshy jáne Joshı esimdi 1 adam bar eken.

Bizdi bul tarıhı esim elimizdiń qaı bóliginde kóp ekeni qyzyqtyrdy. Sóıtip, Ulttyq statıstıka bıýrosynyń saıtyna kirip, ár aımaqty túgendep shyqtyq. Sonymen 31 adam elimizdiń qaı óńirinde tirkelgen?

Astana qalasy – 5

Almaty qalasy – 3

Shymkent qalasy – 4

Abaı oblysy – 2

Almaty oblysy – 3

Atyraý oblysy – 1

Batys Qazaqstan oblysy – 3

Jambyl oblysy - 1

Qaraǵandy oblysy – 3

Qyzylorda oblysy – 2

Mańǵystaý oblysy – 1

Túrkistan oblysy – 1

Ulytaý oblysy – 2

Bıyl elimizde Joshy ulysynyń 800 jyldyǵyna oraı aýqymdy is-sharalar josparlanǵany belgili. Saılaý kezinde dúnıege kelgen nárestege Saılaýbek dep yrymdap at qoıatyn aǵaıyn Joshy esimin qoıatynyna da senimdimiz. Endeshe, kelesi jyly elimizde Joshy esimdi qansha adam tirkelgenin taǵy bir zerttep kórermiz...