Qazaqstanda JOO-lardyń bilim sapasyna senbeıdi – Nursultan Nazarbaev

ASTANA. QazAqparat - Memleket basshysy Nursultan Nazarbaev bilim qýǵan jastardyń kórshi elderdiń joǵary oqý oryndaryna ketýi máselesin kóterdi, dep habarlaıdy QazAqparat tilshisi.

«Mysaly, nege jastar kórshi Reseıge oqýǵa ketip jatyr. Jaraıdy, soltústik óńirlerdiń jaǵdaıy belgili. Biraq sońǵy kezderi Taldyqorǵan, Almaty oblysynyń jastary sol jaqqa kete bastady. Nege solaı?», - dedi Elbasy bıylǵy Joldaýdy jarııalaý rásiminde.

QR Bilim jáne ǵylym mınıstri Erlan Saǵadıevtiń aıtýynsha, jastar kórshi elderge oqýǵa barsa da, kóbisi elge oralady. Máselen, Reseıge ketkenderdiń 7 protsenti ǵana qalyp qoıady. Degenmen, Prezıdent ondaı jaýapqa qanaǵattanǵan joq.

«Bul - halyqtyń joǵary oqý oryndarymyzǵa bergen baǵasy. Adamdar bilim sapasyna senbeıdi. Ol jaqta jaqsy dep oılaıdy. Árıne, ulttyq biryńǵaı testileý jaǵynan qatty talap qoımaıdy. Myna jaqta testten ótpese, sol jaqta oqýǵa qabyldaı beretin shyǵar. Degenmen, negizgi sebep onda emes. Halyq ózimizdiń joǵary oqý oryndarymyzǵa senbeıdi. Medıtsına da solaı. Bizde emes, shetelde emdeledi», - dep atap kórsetti N.Nazarbaev.

Aıta keteıik, búgingi Joldaý kezinde Memleket basshysy Nursultan Nazarbaev medıtsına qyzmetkerleriniń jalaqysyn kóterýdi tapsyrdy. 

Budan bólek, kelesi jyly ulttyq onkologııalyq ortalyqtyń qurylysyn bastaýdy júktedi. 

Aldaǵy ýaqytta polıtseılerdiń jalaqysy da kóteriledi. 

Budan bólek, quqyqqorǵaýshylardy daıarlaý 5 jyldan 6 aıǵa qysqarýy múmkin.