Qazaqstanda JOO-ǵa arnalǵan ınklıýzıvti bilim berý tujyrymdamasy ázirlenip jatyr

ASTANA. QazAqparat – Elimizde joǵary oqý oryndary, ǵylym salasyna arnalǵan ınklıýzıvti bilim berý tujyrymdamasyn ázirleý qolǵa alyndy. Bul týraly QR Joǵary bilim jáne ǵylym mınıstri Saıasat Nurbek málim etti, dep habarlaıdy QazAqparat tilshisi.

«Joǵary bilim jáne ǵylym salasynda ınklıýzıvti ortany odan ári jetildire túsý úshin jumys tobyn quryp tujyrymdama ázirleýge kiristik. Atalǵan tujyrymdamany ázirleýge JOO oqytýshylary, sarapshylar men sala mamandary jáne qoǵam belsendileri tartyldy. Sonymen qatar jumys tobynyń quramynda Parlament Senatynyń músheleri de bar. Elimizdiń joǵary oqý oryndary, joǵary bilim berýden keıingi uıymdar men ǵylymmen aınalysatyn mekemelerge arnalǵan ınklıýzıvti bilim berý tujyrymdamasy qabyldanatyn bolady», - dedi Saıasat Nurbek atalǵan tujyrymdamany ázirleý máselesine arnalǵan jıyn barysynda.

Mınıstrdiń aıtýynsha, tujyrymdamany ázirleýdegi maqsat – joǵary bilim jáne ǵylym salasynda múgedek, erekshe kútimdi talap etetin jandarǵa jaǵdaı jasap, tolyq qoljetimdilikti qamtý.

Sondaı-aq, vedomstvo basshysynyń málimetine sáıkes, qazir elimiz boıynsha 78 ýnıversıtette 1588 múmkindigi shekteýli stýdent bilim alyp jatyr.

«Bıyl erekshe jandarǵa arnaıy 497 memlekettik grant bólindi. Granttar arnaıy kvota arqyly belgilendi. Odan bólek, erekshe jandardy tárbıelep otyrǵan otbasy múshelerine 1187 grant bólindi. Biz erekshe kútimdi talap etetin jáne múgedektigi bar bilim alýshylarǵa tek ınfraqurylym jaǵynan ǵana emes, tolyqqandy jaǵdaı jasaýdy kózdeımiz. ıAǵnı tıisti kadrmen qamtý, materıaldyq baza men laboratorııany jetildirý, sol sııaqty oqý-ádistemelik materıaldardy qaıta jetildirý», - deıdi ol.

Shara barysynda JOO oqytýshylary men ınklıýzıvti bilim berý salasynyń mamandary mınıstrge suraqtaryn qoıyp, óz oılaryn ortaǵa saldy.