Qazaqstanda jolaýshylar shaǵymy úshin biryńǵaı nómir iske qosyldy
20:53, 06 Maýsym 2017
ASTANA. QazAqparat - «Jolaýshylar tasymaly» AQ Bas kólik prokýratýrasy jáne «Transtelekom» AQ birlesip jolaýshylar poıyzdaryndaǵy qyzmet kórsetý sapasyn jaqsartý jáne jolaýshylarmen keri baılanys ornatý maqsatynda «Úndeýler esebiniń biryńǵaı júıesi» pılottyq jobasyn iske qosty.
«Jolaýshylar tasymaly» AQ-nyń baspasóz qyzmeti habarlaǵandaı, bul júıe shaǵymdardyń sanyn azaıtýda naqty sharalar ázirleý jáne qoldaný, kelip túsken shaǵymdarǵa merzimdi taldaý jasaý jáne jolaýshylardyń talaptaryn qanaǵattandyrý boıynsha jedel sharalar qoldaný úshin «Transtelekom» bazasynda biryńǵaı Call-ortalyq arqyly jumys isteıtin bolady.
Endi jolaýshylar 14-33 nómirine qońyraý shalyp, óziniń úndeýin tirkep, operatorǵa óziniń baılanys derekterin qaldyra alady.
Qazirgi tańda Call-ortalyq arqyly birinshi úndeýler tirkeldi, olarǵa tıisti jaýaptar berildi.