Qazaqstanda jol erejesin buzý boıynsha aıyppul tómendetiledi
Shara aıasynda BAQ ókilderine suhbat bergen QR Ádilet mınıstrligi Zańnama departamentiniń dırektory Erlan Buzyrbaevtyń aıtýynsha, alǵash ret quqyq buzǵany jáne onyń deńgeıi aýyr bolmaǵan jaǵdaıda qoldanylatyn shara retinde eskertýdi tájirıbege engizý qarastyrylýda. Qazirdiń ózinde shamamen zań buzýshylyqtardyń 30 paıyzy boıynsha eskertý qoldaný tájirıbesin keńeıtý boıynsha ýaǵdastyqqa qol jetkizilgen.
«Sonymen qatar ákimshilik quqyqbuzýshylyq qaraıtyn sottar men organdar úshin jeńildetýge negiz bolǵan jaǵdaıda aıyppuldardyń kólemin 30 paıyzǵa deıin tómendetý sharasyn qabyldaýǵa múmkindik berý máselesi qaralýda», - dedi ol.
Departament basshysynyń sózine qaraǵanda, bul zań jobasy úkimettik emes uıymdar, bıznes ókilderi tarabynan qyzý talqylanýda. Ashyq jumys isteıtin jumys toby da bar.
«Memlekettik organdarmen de talqylanatyn máseleler bar. Olardyń basym bóligi aıyppuldardy tómendetýge qatysty. Bul rette tómendetiletin aıyppuldardyń kópshiligi ІІM organdary jelisindegi jol polıtsııasyna qatysy bar ekendigin aıtqym keledi. Bul barynsha talqylanyp jatqan ári adamdardyń qyzyǵýshylyǵyn týdyrǵan kodekstegi máselelerdiń biri. Búgingi kúni aıyppuldardy tómendetý boljanyp otyrǵan baptardyń sany shamamen 150-ge jetip otyr», - dedi E.Buzyrbaev.