Qazaqstanda jol apaty kóbinde dúısenbi jáne sársenbi kúnderi jasalady

<p>Statıstıkaǵa súıensek, bıylǵy 9 aıda 9,8 myńnan astam jol-kólik apaty tirkelgen, sonyń saldarynan 14 myń adam zardap shekti, dep habarlaıdy <a href="https://kaz.inform.kz/" target="_blank" rel="noopener">Kazinform</a> Bas prokýratýraǵa silteme jasap.</p>

1,6 myń adam qaza tapty, onyń ishinde:

210 — kámeletke tolmaǵan balalar,
488 —  áıelder,
1192 — er adamdar.

Sondaı-aq 

660 — jolaýshylar,
485 — jaıaý júrginshiler,
447 — júrgizýshiler.

Aımaq boıynsha eń kóp jol apaty:

Almaty qalasy — 2556,
Almaty oblysy — 961,
Jambyl oblysy — 695,
Túrkistan oblysy — 616 
Astana qalasy — 570.

Apattyń negizgi sebepteri — adamı faktor.

Jyldamdyqty asyrý — 2 381,
Jaıaý júrginshige basymdyq bermeý — 1 473,
Jol belgilerin saqtamaý (jyldamdyqty shekteý belgilerin esepke almaǵanda) — 380,
Ózge de jol qozǵalysy erejelerin saqtamaý — 5 635.

Apattyń 88% astamy júrgizýshilerdiń (8 703) kinásinen bolady, onyń 305-i alkogol jáne esirtkige mas kúıde jasalady.

Jol apatynan zardap shekkenderdiń jas ereksheligi: 

17 jasqa deıin — 3 015,
30 — 39 jasqa deıin -2 576,
21 — 29 jasqa deıin -2 572,
60 jáne odan joǵary -1 320 jastaǵy adamdar.

Sondaı-aq kinálilerdiń arasynda kóbine:

30 — 39 jas aralyǵyndaǵylar — 2 509,
21 — 29 jas aralyǵyndaǵy — 2 262,
60-tan joǵary jastaǵy — 668.

Jol apatynyń kóp bóligi: 

7 380 — eldi mekenderde,
1 703 — halyqaralyq, respýblıkalyq mańyzy bar trassalarda,
789 — oblystyq, aýdandyq mańyzy bar joldarda tirkelgen.

Jol apatynyń eń kóbi dúısenbide jasalady — 1 462, sársenbi — 1 447, jeksenbi — 1 418. 

Onyń ishinde kóbi kúndizgi ýaqytta — 6 120, túnde — 1 140, kún batqannan keıingi mezgilde -1 493 bolǵan.

Kúzgi-qysqy kezeńniń bastalýy, sondaı-aq jol qolaısyzdyǵy saldarynan apat qaýipi artady.

«Osy rette avtokóliktiń tehnıkalyq jaı-kúıin qaýipsizdik talaptaryna sáıkestendirý, ýaqtyly qysqy shına saldyrý, belgilengen jyldamdyq rejımin saqtaý, jolda óte muqııat bolý, jol erejesin saqtaý qajettigin eske salamyz. Qysqy kezeńde (jeltoqsan, qańtar, aqpan) qysqy shınamen jabdyqtalmaǵan kólikti paıdalanýǵa tyıym salynady. Tehnıkalyq reglamentterdiń talaptaryna jaýap bermeıtin kólik quraldaryn basqarǵany úshin QR ÁQBtK 590-babynyń 5-bóligi boıynsha ákimshilik jaýapkershilik kózdeledi jáne bes aılyq eseptik kórsetkish mólsherinde aıyppul salýǵa ákep soǵady. Qurmetti halaıyq! Jol qozǵalysy erejelerin saqtaýdy suraımyz. Ózińizge jáne jaqyndaryńyzǵa qamqor bolyńyz» dep eskertedi Bas prokýratýradan.