Qazaqstanda joǵary suranysqa ıe TOP-10 mamandyq belgili boldy

ASTANA. QazAqparat - Búgin Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý vıtse-mınıstri Birjan Nurymbetov Qazaqstanda joǵary suranysqa ıe TOP-10 mamandyqty atady.

«Eńbek naryǵynda qandaı mamandar jetispeıtindigine toqtalar bolsaq, bizde búkil el boıynsha bos jumys oryndary týraly aqparatty qamtıtyn www.enbek.kz portaly bar. Ol tolyq aqparatty bere alady. Búginde bizdiń elde 17 200 bos jumys oryndary bar», - dep atap ótti ol.

«Men sizderge joǵary suranysqa ıe top-10 mamandyqty aıta alamyn. Bizde búginde uıymdar men mekemelerge 622 muǵalim, 605 dáriger, 565 býhgalter-kassır, 398 dánekerleýshi, 360 betonshy, 314 júrgizýshi, 280 ákimshi, 277 eden jýýshy, 255 satý menedjerleri, 239 ınjener jetispeıdi. Bul men tańdaǵan ondyq. Bular ashyq bos jumys oryndary», - dep túıdi oıyn vıtse-mınıstr.