Qazaqstanda jerasty sýlarynyń qory qansha

Geologııa komıtetiniń tóraǵasy Erlan Aqbarov Qazaqstan geologteriniń tuńǵysh sezinen keıin BAQ ókilderine bergen suhbatynda eldegi jerasty sýynyń qory qansha ekenin aıtty, dep habarlaıdy QazAqparat tilshisi.

«Bizde jerasty sýynyń 43 mlrd tekshe metr qory tirkelgen. Onyń bári - tuşy sý. Bul qordyń 45 paıyzy ońtústik óńirlerde jatyr. Ońtústik óńirlerdiń jerasty sýymen qamtamasyz etilýi jaqsy. Ózderińiz bilesizder, mynaý batys óńirlerde biraz másele bar. Qazir endi jańadan mınıstrlik quryldy ǵoı, gıdrogeologııalyq qyzmet qurylady degen jospar bar. Bul máselege de zor mán beriledi degen sóz», - dedi komıtet basshysy.

Erlan Aqbarov jerasty sýlaryn zertteý qyzmeti Sý resýrstary mınıstrligine ótýi múmkin ekenin aıtady.

«Ázirge jerasty sýyn zertteý, onyń qoryn qadaǵalaý bizdiń quzyrymyzda. Sý resýrstary mınıstrligi gıdrogeologııalyq qyzmet quratyn bolsa, atalǵan mindetterdiń bári, ıaǵnı bizdiń birqatar fýnktsııamyz sol vedomstvoǵa ótýi múmkin», - dedi Geologııa komıtetiniń tóraǵasy.