Qazaqstanda jer ýchaskesiniń nysanaly maqsatyn ózgertý rásimi jeńildetilýde
Atap aıtqanda, QR Ulttyq ekonomıka mınıstrligimen «100 qadam» Ult josparynyń 36 qadamyn iske asyrý maqsatynda, jerlerdiń naryqtyq aınalymyn belsendi yntalandyrý jáne jer qorynyn ekonomıkalyq qaıtarymdylyǵyn arttyrý úshin «Qazaqstan Respýblıkanyń Jer kodeksine ózgerister men tolyqtyrýlar engizý týraly» QR Zańy ázirlendi.
Atap aıtqanda, Jer kodeksine aýyl sharýashylyǵyn júrgizýge baılanysty nysandardy salý kezinde jer ýchaskesiniń nysanaly maqsatyn ózgertý rásimin eskermeıtin normasy engizildi.
Mysaly, sharýashylyq júrgizý nysanyn sharýa qojalyǵynan JShS-ǵa nemese AQ-ǵa, sondaı-aq AQ-dan JShS-ǵa nemese sharýa qojalyǵyna ózgertý kezinde ózderine tıesili jerlerdiń nysanaly maqsatyn ózgertý resimin qajet etpeıdi, óıtkeni quqyqtyq-uıymdastyrý nysanyna qaramastan, bul sýbektiler aýyl sharýashylyǵy jer paıdalanýshylary bolyp tabylady.
Sonymen birge, aýyl sharýashylyǵy óndirisin júrgizýmen baılanysty qurylystardy salý kezinde (mal sharýashylyǵy keshenin, jylyjaılar) nysanaly maqsatyn ózgertýdi qajet etpeıdi.
G. Bımendınanyń sózine qaraǵanda, aýyl sharýashylyǵymen aınalysatyndar úshin ákimshilik kedergilerdi alyp tastaý jáne shyǵyndardy qysqartý arqyly qolaıly jaǵdaı jasalady.
«Osy sharalar aýyl sharýashylyǵy maqsatyndaǵy jerlerdi tolyqqandy naryqtyq aınalymǵa engizý úshin qajetti jaǵdaılar jasaýy, jerdi paıdalanýshylardyń jer resýrstaryn utymdy paıdalanýy boıynsha jaýapkershiligi men yntasyn arttyrýy tıis», - dedi ol.