Qazaqstanda jer ýchaskesine qatysty qujattardy resimdeý jeńildetilmek

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jyljymaıtyn múlikke quqyqtardy jáne zańdy tulǵalardy memlekettik tirkeý máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaıdy QazAqparat tilshisi.

Atalǵan zań jobasy bir top Parlament depýtattarynyń bastamashylyǵymen ázirlengen.

Usynylǵan zań jobasynyń negizgi maqsaty – jyljymaıtyn múlikke quqyqtardy jáne zańdy tulǵalardy memlekettik tirkeý salalaryn jetildirý, zańnamalyq normalaryn qazirgi zaman talabyna sáıkes keltirý.

«Zań jobasynda kózdelip otyrǵan ózgerister men tolyqtyrýlar jyljymaıtyn múlikke quqyqtardy tirkeý tetigin elektrondyq júıesine úılestirip, keıbir múlikti tirkeý merzimderine qatysty normalardy jetildirip, tirkeý merzimin saqtamaǵan jaǵdaıda ákimshilik jaýaptylyqty alyp tastaý qarastyrylǵan. Qujatta jyljymaıtyn menshik ıeleriniń (menshik ıesi óz qalaýy boıynsha, apattyq jaǵdaıdaǵy) buzylǵan jyljymaıtyn múlik obektilerine quqyqty toqtatý tetikterin bekitýge, soǵan baılanysty memlekettik jáne jergilikti organdardyń quzretin belgileý usynylǵan», - dedi senator Nurlan Beknazarov.

Zań jobamen qatysýshy sharýashylyq seriktestikterdiń jarǵylyq kapıtalyndaǵy úlesin ıelikten shyǵarý kezinde ony qaıta tirkeý úshin qajetti qujattardyń tizbesin aıqyndaý kózdelip otyr.

«ıAǵnı, sharýashylyq seriktestiginiń shyǵatyn qatysýshysynyń múliktegi úleske quqyǵyn ıelikten shyǵarý (basqaǵa berý) shartyn usyný qajet.

Jalpy zań jobasy vedomstvoaralyq úılestirýdiń tıimdiligin arttyrýǵa, qoldanystaǵy tirkeý protsesterin jáne memlekettik qyzmet kórsetý tártibin jetildirýge baǵyttalǵan. Zań jobasy qoldanystaǵy retteýdiń tıimdiligin tolyq taldaýdy, azamattar men memlekettik organdar arasynda qalyptasqan qatynastardaǵy turaqtylyq pen quqyqtyq senimdilikti qamtamasyz etedi», - dedi depýtat.

Atap aıtqanda, depýtattar jyljymaıtyn múlikke quqyqtardy ýaqtyly tirkemegeni úshin ákimshilik jaýapkershilikti alyp tastaýdy usyndy. Endi budan bylaı mundaı keshigý oryn alǵanda adamdar jazaǵa tartylmaıdy jáne aıyppul salynbaıtyn boldy. Sonymen qatar, jer ýchaskesine qujattardy resimdeý jáne jyljymaıtyn múlikke quqyqtardy memlekettik tirkeý rásimi aıtarlyqtaı jeńildetiledi. Osylaısha, adamdarǵa osy memlekettik qyzmetterdi alý ońaıyraq bolady.