Qazaqstanda jer silkinisi jıi bolatyn aımaqtarda 7 mln-ǵa jýyq halyq turady

ALMATY. QazAqparat - Almatyda 11-14 mamyr aralyǵynda vırtýaldy alańda Ortalyq Azııadaǵy táýekeldi baǵalaý boıynsha bes eldik semınardyń alǵashqysy ótip jatyr, dep habarlaıdy QazAqparat.

Shara «Ortalyq Azııadaǵy qarjylyq turaqtylyqty nyǵaıtý jáne apattardyń qaýpin azaıtý qarqynyn jedeldetý maqsatynda jer silkinisi men sý tasqyny qaýpin biryńǵaı óńirlik baǵalaý jáne jekelegen kóshkinder stsenarıılerin taldaý» jobasy sheńberinde ótedi.

Semınardy Ulttyq okeanografııa jáne qoldanbaly geofızıka ınstıtýty (Italııa) uıymdastyrdy.

Іs-sharaǵa ǵylymı-tehnıkalyq sarapshylar men tájirıbelik mamandar, onyń ishinde ǵylymı-zertteý uıymdarynyń ókilderi, ınjenerler, aýmaqtyq josparlaý jónindegi mamandar, beıindi mekeme qyzmetkerleri jáne Qazaqstannyń kásiporyn basshylary qatysady.

Qazaqstannyń seısmıkalyq aýdandary shamamen 475 myń km2 alyp jatyr. Qarqyndylyǵy 6 jáne odan joǵary zilzalaǵa ushyraǵan aýdandar el aýmaǵynyń 42,9% alady.

Qazirgi ýaqytta elimizdiń seısmıkalyq aýdandarynda shamamen 7 mln-daı adam turady. Onyń ishinde 9 balldyq aýmaqta 2 mln adam (Almaty qalasynda – 1,8 mln), 8 balldyq aýmaqta – 1,1 mln, 7 balldyqta 2 mln jáne 6 balldyq aýmaqta 1,2 mln turady.

2017-2018 jyldary QazQSǴZI mamandary «Seısmoturaqtylyǵyn zertteý maqsatynda Almaty qalasynyń jyljymaıtyn múlik obektilerin pasporttaý» ǵylymı jumysyn oryndady.

Nátıjesinde 2017 jyly 7027 obektiniń, 2018 jyly 3131 nysannyń zilzalaǵa tózimdiligi tekserildi.

Alynǵan materıaldar boıynsha Almaty qalasynyń jergilikti úılestirý júıesine obektilerdi baılanystyra otyryp, GAJ baǵdarlamasynda tekserilgen 10 525 obektilerdiń elektrondyq qujattary jasaldy.

«Pasporttaý nátıjeleri seısmıkalyq qaýipti ǵımarattardy anyqtaýǵa, olardy seısmıkalyq kúsheıtý nemese buzý boıynsha birinshi kezektegi obektilerdi taǵaıyndaýǵa, seısmıkalyq qaýipti ǵımarattardy kúsheıtýge jáne eski úılerdi buzýǵa jumsalatyn shyǵyndar kólemin anyqtaýǵa múmkindik berdi. Eski úılerdi buzý, bilim berý men densaýlyq saqtaý nysandary ǵımarattarynyń seısmoturaqtylyǵyn kúsheıtý boıynsha qalanyń bıýdjettik baǵdarlamalaryna kezektilik boıynsha túzetýler engizildi», - dep túsindirdi Shokbarov.

Semınar qorytyndysy boıynsha oǵan qatysýshylar usynylǵan ádistemelerdi ózderi qoldana alady jáne Ortalyq Azııa óńirindegi apattardyń qaýpin azaıtý jónindegi qyzmetke óz úlesin qosa alady.