Qazaqstanda jer qatynastary salasynda bızneske qoıylatyn talaptar qysqartylady
Eske salsaq, jumys tobyna Aýyl sharýashylyǵy mınıstrligi, «Atameken» UKP jáne bıznes-qoǵamdastyqtyń ókilderi kirdi. Jumys toby jer qatynastary salasynda «taza paraqtan» retteýdi engizý boıynsha bızneske qoıylatyn talaptar tizilimin qalyptastyrý jumysyn aıaqtap jatyr.
«Atameken» UKP Qurylys jáne jer qatynastary departamenti dırektorynyń orynbasary Ernur Ábjannyń aıtýynsha, keıbir talap alynyp tastalsa, kásipkerlerdi qyzmeti birshama jeńildep qalady.
«Buǵan deıin ákimdiktiń sheshimi boıynsha qalaǵa qosylǵan aýyl sharýashylyq jerlerdiń ıeleri jerdiń nysanaly maqsatynyń ózgerýine jáne aýyl sharýashylyq óndiristyń joǵalǵany úshin aqy tóleıtin. Jaqyn arada bul talaptar joıylady» , – dedi Ernur Ábjan.
Spıker memlekettten jer ýchaskesin alý protsedýralary da jeńildeıtinin aıtty. Endi irgeles jatqan ýchaske ıeleriniń kelisimin alý qajettiligi bolmaıdy. Bul protsedýra jer alýdyń sońǵy kezeńine aýystyrylady, ıaǵnı jergilikti jerde ýchaskeniń shekaralaryn belgileý kezinde júzege asady.
Eske salsaq, «taza paraqtan» retteý – kásipkerlik qyzmetti memlekettik retteýge degen tásildeme. Mundaı retteý adamdardyń ómiri men densaýlyǵyna, ekojúıeler men quqyqtyq tártipke obektıvti túrde qaýip tóngen jaǵdaılarda ǵana shekteledi. Bul tásil memlekettik organdardy bızneske qoıylatyn talaptardy dáleldi, is júzinde oryndalatyn, qoljetimdi baıandalǵan jáne eki túrli túsindirýge jol bermeıtin tujyrymdaýǵa mindetteıdi.
2021 jyldyń 30 jeltoqsanynda Qasym-Jomart Toqaev QR-da kásipkerlik qyzmet salasynda jańa retteýshi saıasatty engizýge qatysty zańǵa qol qoıdy. Memlekettik baqylaýdyń jańa formasy tekserýden –profılaktıkalyq sharalarǵa kóshýdi qamtıdy. Úkimetke memlekettik organdardyń bızneske qoıylatyn talaptaryn qysqartý maqsatynda tásilderdi sapaly iske asyrýdy qamtamasyz etý tapsyryldy.
Foto: atameken.kz