Qazaqstanda jekemenshik mektepter kanıkýl ýaqytyn ózdigimen belgileýi múmkin
«Bul mektepterdiń basshylary buǵan deıin Oqý-aǵartý mınıstrligine osyndaı ótinishpen júgingen bolatyn. Bul jalpy bilim beretin mektepterge qatysy joq ekenin eske sala keteıik. Sebebi onda oqý merzimi ózgerissiz qalady», - dep túsindirdi mınıstrlikten.
Usynysta halyqaralyq jáne birqatar pılottyq jekemenshik mekteptiń ókilderi qysqy kanıkýl merzimin, sondaı-aq oqý jylynyń bastalý jáne aıaqtalý merzimin derbes retteýge múmkindik berýdi suraǵan. Máselen, JRVI (jiti respıratorlyq vırýsty ınfektsııalar) aýrýy órship, aıazdar kúsheıetin qysqy mezgilde oqýshylar kóbirek demalyp, onyń ornyna jazda uzaǵyraq oqıdy. ıAǵnı oqý jylyn 1 qyrkúıekte emes, 20 tamyzda bastaý usynylady.
QR Oqý-aǵartý mınıstrligi Orta bilim komıtetiniń tóraǵasy Gúlmıra Kárimovanyń aıtýynsha, halyqaralyq mektepterge qoıylatyn jeke talaptar men normalar qazirdiń ózinde bar.
«Sol sebepti akademııalyq erkindik sheńberinde sheshim qabyldaý – bul burynnan bar tájirıbe. Keıbir halyqaralyq jáne pılottyq jekemenshik mektepter oqý jylyn óz betinshe 20 tamyzda bastaıtynyn bilemiz. Biraq olar ony jazǵy mektep nemese daıyndyq kezeńi dep ataıdy, alaıda olar sol kezden bastap baǵdarlama boıynsha oqıdy. Osy kúnder esebinen olar qysta balalarǵa eki aptaǵa uzaǵyraq demalys beredi.
36 aptalyq oqý jyly qandaı bolmasyn, mindetti demalys kúnderiniń sany jáne oqý jylynyń bastalýy men aıaqtalýynyń jalpy merzimderi áli de halyqaralyq mektepter úshin áreket etedi. Al jalpy tásilder sheńberinde jekemenshik jáne halyqaralyq mektepterdiń ózderi merzimderdi retteý múmkindigin qarastyrýǵa bolady. Bul usynys qoǵamdyq talqylaýǵa shyǵaryldy. Qalǵan mekteptiń barlyǵy úshin oqý jylynyń bastalý jáne aıaqtalý merzimi ózgerissiz qalady», - dedi Gúlmıra Kárimova.