Qazaqstanda jeke tulǵalardy elektrmen jabdyqtaýǵa qosý sharty jeńildetildi
«Qazaqstan Respýblıkasy Energetıka mınıstriniń keıbir buıryqtaryna ózgerister men tolyqtyrýlar engizý týraly» Qazaqstan Respýblıkasy Energetıka mınıstriniń 2020 jylǵy 6 aqpandaǵy № 43 buıryǵymen tutynýshylar, energııamen jabdyqtaýshy jáne energııa berýshi uıymdardyń arasyndaǵy ózara qarym-qatynastarǵa keıbir ózgerister engizildi«, delingen QR EM baspasóz qyzmeti taratqan aqparatta.
Buryn elektrmen jabdyqtaýǵa shart jasasý úshin tutynýshy energııamen jabdyqtaýshy uıymǵa 9 qujat usynyp, oǵan qol qoıý úshin jeke kelýi qajet bolǵan. Bul rette, tutynýshy qujattardyń bir bóligin energııa berýshi uıymnan alatyn. Al ózgeristerden keıin tutynýshy tek energııa berýshi uıymǵa baryp, oǵan 7 qujatty (onyń ishinde tek 5 qujatty tutynýshy beredi, al qalǵan qujattardy energııa berýshi uıym beredi) tapsyrady.
Sondaı-aq, tutynýshylar shart talaptaryn buzǵan jaǵdaıda, elektr energııasyn berýdi toqtatý týraly habarlamany alý tártibi de ózgertilgen. Bul jerde, energııamen jabdyqtaýshy uıymdar aldyndaǵy qaryzdary úshin keıinnen elektr energııasyn berýdi toqtatý týraly tutynýshyny habardar etý máselesi jańalyq emes ekenin atap ótý qajet.
Elektrmen jabdyqtaý shartynyń talaptaryn buzǵany úshin elektr energııasyn óshirý týraly tutynýshyny habardar etý tásili ǵana ózgerdi. Buryn tutynýshyǵa onyń habarlamany alǵanyn rastaý, sondaı-aq habarlamany jetkizý tásilin tańdaýy kerek bolatyn. ıAǵnı tek túbirtekpen ǵana múmkin bolǵandyqtan, osy ózgeristerdiń qajettigi týyndady.
»Bunyń bári tutynylǵan elektr energııasy úshin tóleýden bas tartýshy josyqsyz tutynýshylar sanynyń ósýine yqpal etti. Sonyń saldarynan, energııamen jabdyqtaýshy uıymdar aldyndaǵy tutynýshylardyń debıtorlyq bereshegi aı saıyn ósýde. Mundaı jaǵdaı energııa óndirýshi jáne energııa berýshi uıymdar aldynda energııamen jabdyqtaýshy uıymdardyń debıtorlyq beresheginiń ulǵaıýyna ákep soqty. Endi tutynýshylar kem degende 30 (otyz) kúntizbelik kún ishinde elektr energııasyn jetkizýdi toqtatý (shekteý) týraly habarlama alý túrin (elektrondyq poshtamen, fakspen, poshta arqyly, qysqa mátin habarlamamen, mýltımedııalyq habarlamamen, qoldanystaǵy messendjermen) ózderi tańdaıdy«, - dep atap ótedi vedomstvodan.
Shartty túrde tutynýshy elektr energııasyn 1 men 31 qańtar aralyǵynda tutynady. Energııamen jabdyqtaýshy uıym tutynylǵan elektr energııasy úshin 15 aqpanǵa deıin shot usynady jáne tutynýshyda 25 aqpanǵa deıin ony tóleýge ýaqyty bolady. Eger tutynýshy 25 aqpanda elektr energııasy úshin tólemese, onda energııamen jabdyqtaýshy uıym tutynylǵan elektr energııasy úshin tóleý qajettiligi jáne tólenbegen jaǵdaıda habarlamany alǵan kúnnen bastap 30 kúntizbelik kún ishinde óshiriletini týraly habarlama jiberedi.
Bul rette osy erejeler qoldanysqa engizilgenge deıin jasalǵan sharttyq qarym-qatynastarǵa qatysy joq. ıAǵnı, tutynýshy shartty qaıta jasamasa, onda bul ózgerister oǵan qoldanylmaıdy. Óz kezeginde, elektrmen jabdyqtaý sharttary qoldanystaǵy sharttyń merzimi ótkennen keıin qaıta jasalady.