Qazaqstanda jeke kásipkerler sany qansha

ASTANA. QazAqparat – Elimizde jeke kásipkerler sany artýmen qatar, olardyń tabysy da ulǵaıyp keledi. Tolyǵyraq Qarjy mınıstrligi Memlekettik kirister komıtetiniń tóraǵasy Danııar Janálinov málim etti, dep habarlaıdy QazAqparat tilshisi.

«Bıyl shaǵyn bıznes sýbektilerin ıaǵnı jeke kásipkerlerdi kirister salyǵynan bosatý merzimi aıaqtaldy. Elimizde sońǵy 3 jyl ishinde jeke kásipkerlerdiń sany 1,1 mıllıonnan 1,6 mıllıonǵa deıin artty. Ótken jylǵy esep boıynsha ár jeke kásipkerdiń ortasha tabysy 9,2 mıllıon teńgeni qurady. 2019 jyly bul kórsetkish 5,1 mıllıon teńge bolǵan», - dedi Danııar Janálinov Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq komıtet basshysy jekelegen kásipkerler jaldamaly jumysshylardy jasyratynyn aıtyp otyr.

«Jeke kásipkerlerdiń jaldamaly jumysshylardy kórsetpeýi úlken problemaǵa aınalyp otyr. Bul degenimiz jaldamaly jumysshylardyń zeınetaqy jáne áleýmettik tólemderdi ala almaı, medıtsınalyq qyzmetke júgingende shekteýlerge ákep soǵady. Búginde 1,2 mıllıon jeke kásipkerde jaldamaly jumysshy joq, al 89,3 myń kásipkerde 1 ǵana jaldamaly jumysshy bar. Jalpy elimizdegi kásipkerlerdiń tek 9,5 paıyzynda ǵana 5-ten astam qyzmetkeri bar. Kásipkerlerdi yntalandyryp, kóleńkedegi jumysshylaryn jasyrmaý maqsatynda bıyldan bastap Memleket basshysynyń tapsyrmasy boıynsha eńbekaqy tóleý qorynan 20 paıyzy mólsherinde biryńǵaı tólem jasaý engizildi», - deıdi vedomstvo basshysy.