Qazaqstanda jeke aıyptaý isin azamattyq sot óndirisine berý usynylýda

ASTANA. QazAqparat - Qazaqstanda jeke aıyptaý isin azamattyq sot óndirisine berý usynylýda. Bul jaıynda búgin QR Joǵarǵy sotyndaǵy sot organdary sýdıalarynyń 2015 jyly sot tóreligin atqarý qorytyndysyna arnalǵan «Zań ústemdigin qamtamasyz etý - sottardyń basty mindeti» atty keńeıtilgen májilisinde belgili boldy.

«Jeke aıyptaýdyń keıbir isterin ákimshilik quqyq buzýshylyqqa qaıtarý týraly máseleni qaraý ózekti bolyp otyr», - dedi Joǵarǵy Sottyń qylmystyq ister jónindegi qadaǵalaýshy sot alqasynyń tóraǵasy Abaı Rahmetýlın jıyn barysynda.

Onyń atap ótýinshe, qazirgi ýaqytta jeke aıyptaý isi qylmystyq óndiriske berilgen.

«Kórshilerdiń arasyndaǵy kemsitýshilik sıpattaǵy erterekte oryn alǵan janjaldy sheshý úshin qylmystyq sot óndirisin júginý shynaıy nátıje bermeıdi. Munaı quqyq buzýshylyqtardyń qoǵamdyq qaýiptilik deńgeıi qylmystyq sot tóreligine tartylǵandardyń saldarymen salystyrýǵa da kelmeıdi», - dedi A.Rahmetýlın.