Qazaqstanda jeke aqparattar SMS-habarlama arqyly joldanýy múmkin

ASTANA. QazAqparat - Búgin QR Aqparat jáne kommýnıkatsııalar mınıstri Dáýren Abaevtyń tóraǵalyǵymen «Azamattarǵa arnalǵan Úkimet» memlekettik korporatsııasynda Halyqqa qyzmet kórsetý ortalyqtary jumysyn jetildirý máselelerine arnalǵan jumys keńesi ótti, dep habarlaıdy QazAqparat.

«Biz Aqparat jáne kommýnıkatsııalar mınıstrligimen birge qyzmet alýshynyń ruqsaty bolǵan jaǵdaıda «elektrondy úkimet» portaly arqyly memlekettik organdar men jeke uıymdarǵa anyqtama usyný boıynsha qyzmetti júzege asyrýda josparlaýdamyz. Bul shara HQKO qyzmetkerleriniń qyzmet kórsetý protsesine tikeleı aralasýyn boldyrmaýǵa múmkindik beredi. Azamattar SMS-habarlama arqyly jeke aqparattardy usyný boıynsha derbes sheshim qabyldaı alady», - dedi keńes barysynda atalǵan korporatsııa basqarmasynyń tóraǵasy Abylaıhan Ospanov.

 

Onyń dereginshe, memlekettik organdar men jeke uıymdarǵa, onyń ishinde ekinshi deńgeıli bankterge anyqtama usyný boıynsha qyzmetti júzege asyrý  elektrondy anyqtamalardy berýdi 21,5 mıllıonǵa qysqartýǵa múmkindik jasaıdy.

 

«Máselen, qazirgi ýaqytta járdemaqy taǵaıyndalǵan kezde banktiń esepshot nómiri týraly anyqtamany usyný talap etiledi. Integratsııalaýdyń arqasynda qyzmet alýshyǵa atalǵan anyqtamany alý qajettiligi joıylady», - dedi Ospanov.