Qazaqstanda jaıylym tapshylyǵy máselesi qalaı sheshiledi
«Jaıylym jerlermen qamtamasyz etý máselesi boıynsha saraptama júrgizildi. Oǵan sáıkes, respýblıkadaǵy jekelegen aýyldyq okrýgter jaıylym jerge muqtaj bolyp otyr. Bul ońtústik óńirlerde erekshe baıqalady. Aýyldyq okrýgterdiń jaıylym jerge qajettiligin «Jaıylymdar týraly» Zańǵa sáıkes ázirlengen jospar aıasynda jaıylym jerlerdi qaıta bólý esebinen tolyqtyrý kózdeledi», - dedi Úkimet basshysy depýtattardyń saýalyna bergen jaýabynda.
Onyń atap ótýinshe, júrgizilgen saraptama jergilikti atqarýshy organdardyń josparlardy qabyldaý jáne bekitý jumysyndaǵy kemshilikterdi kórsetip bergen.
«Atap aıtqanda, aýyldyq okrýgter sheginde josparlar ázirlenip, bekitilmegen, zańnama talaptary buzylǵan. Soǵan baılanysty 65 laýazymdy tulǵa, onyń ishinde mınıstrlik qyzmetkerleri jaýapqa tartyldy. Josparlardy ázirleý barysyndaǵy kemshilikterdi joıý maqsatynda mınıstrlik Parlament Májilisiniń agrarlyq komıtetimen birlesip, Aqmola oblysynyń Shortandy aýdanyna qarasty Damsa aýyldyq okrýgy boıynsha jospar jobasyn ázirledi. Ol oblystardyń barlyq ákimdikterine úlgi retinde jiberildi», - dedi Asqar Mamın.
Premer-Mınıstrdiń aıtýynsha, osy jyldyń 1-toqsanynda jergilikti aqqarýshy organdar Damsa aýyldyq okrýgi jospar jobasyna sáıkes 2020-2021 jyldarǵa arnalǵan josparlaryn ázirlep, bekitýdi kózdep otyr.