Qazaqstanda «Jaýjúrek polk» aktsııasy ótýde

NUR-SULTAN. QazAqparat – Búgin, 9 mamyrda Jeńis kúni atalyp ótýde. Jyl saıyn soǵysqa qatysqan maıdangerlerdiń urpaǵy Ekinshi dúnıejúzilik soǵysqa qatysqan batyrlardy eske alady. Bıyl pandemııaǵa baılanysty «Jaýjúrek polk» aktsııasy ekinshi ret onlaın rejımde ótpek, dep habarlaıdy QazAqparat tilshisi.

Batyrlardyń onlaın sherýi búgin saǵat 10:00-de bastaldy. Aktsııa translıatsııasy áleýmettik jelilerdegi joba akkaýnttarynda ótýde.

Eske sala keteıik, qazaqstandyq qoǵam qaıratkerleri men blogerleriniń toby «Jaýjúrek polk» aktsııasyn onlaın rejımde ótkizý úshin qaharman1945.kz portalyn iske qosty. Joba «Jaýjúrek polk» degen ataý aldy.

Joba avtorlarynyń aıtýynsha, koronavırýs pandemııasyna baılanysty aktsııany oflaın ótkizý múmkin bolmaı otyr, osylaısha, olar soǵys Batyrlaryna qurmet kórsetýge sheshim qabyldady.

Aktsııaǵa qatysý úshin qaharman1945.kz saıtyna kirip, ózińizdiń Ekinshi dúnıejúzilik soǵystaǵy batyryńyzdyń sýreti men sıpattamasyn qaldyrýyńyz kerek.

Sonymen qatar «Jaýjúrek polk» Qazaqstannyń Ekinshi Dúnıejúzilik soǵystaǵy róli men jeke qazaqstandyqtardyń jetistigi týraly aıtady.

Soǵys jyldary Qazaqstanda barlyǵy 12 atqyshtar, 4 kavalerııa, 7 brıgada, 50 polk jasaqtalǵan. Olardyń ishinde soǵysta kózge túskerderi 8-shi, 20-shy, 73-shi gvardııalyq jáne 387-shi atqyshtar dıvızııasy boldy.

Qazaqstannan maıdanǵa respýblıka halqynyń 25%-y, 18-50 jas aralyǵyndaǵy er adamdardyń 70%-y jiberildi.

Júzden asa otandasymyz jaýyngerlik erligi úshin orden jáne medaldarmen marapattaldy. 500-ge jýyq adam Keńes Odaǵy Batyry ataǵyn aldy, 110 qazaqstandyq úsh sanattaǵy Dańq ordenimen marapattaldy. Tórt qazaqstandyq eki ret batyr atandy.

Aıqas ústinde qaza taýyp, jaraqattar men aýrýlardan qaıtys bolǵan, is-tússiz joǵalǵan jáne tutqynnan qaıtpaǵan qazaqstandyqtar sany – 630 myń adam.

Eske sala keteıik, búgin Qazaqstan Jeńis kúnin toılaıdy. Bıyl 1941-1945 jyldary bolǵan KSRO men fashıstik Germanııanyń soǵysyndaǵy Jeńiske 76 jyl toldy.