Qazaqstanda jataqhanalardy salýdyń tıptik jobasy jasalmaq
Satbaev University jataqhanalary 1958-60 jyldary salynǵan. Májilis depýtaty Gúlnar Iqsanova ol ǵımarattar adam ómirine qaýip týǵyzýy múmkin degen pikir aıtty.
«Sarapshylar zań turǵysynan tıptik standart bolýy kerektigin aıtyp otyr. Ony memleket ózi qarjylandyrady. Atalǵan jobadan bólek usynylǵan dúnıeler bolsa memlekettik-jekelik áriptestik aıasynda júzege asyrylýy kerek. Bul bıýdjet qarjysynyń qalaı jumsalatynyn, ashyqtyǵyn kórsetedi», - dedi depýtat Gúlnar Iqsanova.
Sonymen qatar, Qazaq ulttyq agrarlyq ýnıversıtetiniń jataqhanalary da aıtarlyqtaı tozǵan.
QR Parlament Májilisiniń vıtse-spıkeri Gúlmıra Isınbaevanyń aıtýynsha, eki ýnıversıtette de 250, 450 orynǵa arnalǵan tıptik jataqhana qurylysy bastalýy tıis.
«Elbasynyń 5 áleýmettik jobasynyń ekeýi jastarǵa, stýdentterge tikeleı baılanysty. Grant sanyn arttyrý, stýdentterdiń baspana jaǵdaıynyń túıtkildi máselelerin sheshý asa mańyzdy. Jastar kedergisiz bilim alýy úshin halyqaralyq standarttarǵa saı tıptik ǵımarattardyń qurylysyn bastaý kerek. Ár oqý ornynda ózderiniń jobalary, jer ýchaskeleri, tehnıkalyq ekonomıkalyq negizdemeleri bar. Alaıda, QR BǴM nesıe, kepildeme boıynsha banktermen birqatar suraqtardy sheshýi tıis. Bul másele sheshimin tapqan jaǵdaıda ǵana jataqhana qurylysy bastalady», - dedi Gúlmıra Isınbaeva.
Jumys sapary barysynda halyq qalaýlylaryna stýdentter turatyn bólek kampýstardyń jobasy kórsetildi.
Aıta ketý kerek, Memleket basshysynyń 5 áleýmettik bastamasyn júzege asyrý maqsatynda Májilis depýtattary ár aımaqta quzyrly organ ókilderimen kezdesip, túsindirý jumystaryn júrgizip jatyr.