Qazaqstanda jastar saıasaty mamandarynyń biliktiligin arttyrý jumystary qalaı júrip jatyr

NUR-SULTAN. QazAqparat - Jastar – elimizdiń basty resýrsy. Jastar salasyna jaýapty organdardyń jumysy týraly «Jastar» ǵylymı-zertteý ortalyǵynyń dırektory Aıan Sakoshev aıtyp berdi, dep habarlaıdy QazAqparat.

Álemde jastar sanatyna 10-nan 35 jasqa deıingi adamdar jatady. Qazaqstanda «jastar» uǵymy «Memlekettik jastar saıasaty týraly» QR zańynda anyqtalǵan, elimizdegi 14-ten 29 jasqa deıingi barlyq azamat jastar sanatyna jatady. Qazir Respýblıkada osyndaı jas azamattardyń sany – 3 765 383.

Búgin qazaqstandyq jastar ekonomıkalyq, áleýmettik jáne ózge de syn-qaterlerge tap bolyp otyr. Jastarǵa járdemdesip, baǵdar silteýdiń mańyzy zor. Jastarǵa jan-jaqty qoldaý kórsetý maqsatynda elimizdiń barlyq aımaǵynda Jastar resýrstyq ortalyqtary (JRO) qurylǵan. Olar aqparattyq-ádistemelik, konsýltatsııalyq kómek berip, jastar ortasyndaǵy jaǵdaıdy baqylaýdy júzege asyrady. Respýblıka boıynsha 209 JRO bar: 12 oblystyq, 35 qalalyq jáne 162 aýdandyq.

Jastar saıasatyn iske asyrýǵa ǵylymı-ádistemelik qoldaý kórsetý maqsatynda «Jastar» ǵylymı-zertteý ortalyǵy jumys isteıdi.

Jyl basynan beri JRO mamandaryna 3 kólemdi semınar-trenıng ótkizilgen. «ProInfo» semınar-trenınginde túrli taqyryptar qozǵaldy.

Jyl basynan beri «Jastar» ǴZO janyndaǵy «Memlekettik jastar saıasaty mektebi» aıasynda semınar-trenıngterge elimizdiń túkpir-túkipirinen maman qatysyp, biliktiligin arttyryp, bilimin shyńdady.