Qazaqstanda jasandy ıntellekt klasterin qurýǵa mlrd dollardan astam ınvestıtsııa tartylady

ALMATY. QazAqparat - Qazaqstanda jasandy ıntellektiniń ulttyq klasteri qurylady. Bes jyl ishinde osy baǵytqa mıllıard dollardan astam ınvestıtsııa tartý josparlanyp otyr. Bul týraly QR Prezıdenti Qasym-Jomart Toqaev «Digital Almaty 2021- Jahandyq ekonomıkanyń tsıfrlyq bolashaǵy» atty halyqaralyq forýmda aıtty, dep habarlaıdy QazAqparat tilshisi.

Prezıdent negizgi ekpin aqyldy ekojúıeni qurýǵa baǵyttalatynyn atap ótti. Onyń múmkindikterine kóptegen salalyq derekti taldaý kiredi. Bul táýekeldi boljaý men aldyn alýdyń tıimdi modelderin qurýǵa múmkindik beredi jáne reformalardyń maksımaldy áserin qamtamasyz etedi.

«Osy maqsatta Dúnıejúzilik bankpen birlesip Nazarbaev Ýnıversıtetiniń bazasynda jasandy ıntellektiniń ulttyq klasteri qurylady. Aýqymdy aqparatty tıimdi óńdeý úshin derekter ortalyqtary jasaqtalady. Aldaǵy bes jylda biz osy baǵytqa shamamen 500 mıllıard teńge nemese mıllıard dollardan astam ınvestıtsııa tartýdy josparlap otyrmyz. Árıne, biz Odaqtaǵy jáne aımaqtaǵy seriktesterimizdi jan-jaqty yntymaqtastyqqa shaqyramyz», - dedi Memleket basshysy.