Qazaqstanda jasalǵan netbýk týraly ne bilesiz

NUR-SULTAN. QazAqparat – Petropavl qalasyndaǵy Kırov atyndaǵy zaýytta netbýktar shyǵarylyp jatyr. Otandyq ónim oqýshylardyń qashyqtan oqý formatynda qoldanylýda, dep habarlaıdy QazAqparat tilshisi.

Netbýktyń jıiligi 2 GGRTs bolatyn 4 ıadrolyq protsessory bar. USB-i 3,1. Netbýk sonymen qatar aýdıo/mıkrofonmen, kart rıdermen jabdyqtalǵan. Intel UHD Graphics 600 vıdeokartasy, odan bólek 4,2 standartty Bluetooth adapteri bar. Netbýktyń jedel jady 8Gb. Windows ® 10 Pro operatsııalyq júıesi ornalastyrylǵan. Batareıasynyń qýaty saǵatyna 40 Vatt. Avtonomdy jumys ýaqyty 10 saǵatqa deıin shydamdy. Ekranynyń dıagonali 11,6 dıýım.

Kamerasynyń ereksheligi – 180 gradýsqa burylady.

Netbýktyń baǵasy 134 myń. Óndirýshilerdiń aıtýynsha, bul ónim sheteldik netbýktardan esh kem emes.

Ónim «ST-KZ» sertıfıkatyna ıe. Bul netbýkty shyǵaratyn zaýyt qajetti qural-jabdyqtardyń 40 paıyzyn Qazaqstannyń óz ishinen jınaıdy. Qazirgi ýaqytta bul kompıýterler otandyq bilim berý mekemelerinde qoldanysta bar. Aldaǵy jyldary óndirýshiler qazaqstandyq noýtbýktar men netbýktardy shet elderge eksporttaýdy kózdep otyr.

Netbýktyń sıpattamasyn myna vıdeodan bilýge bolady.