Qazaqstanda jasalǵan lokomotıvter Moldovaǵa eksporttala bastady
Zaýyt qurylǵan sátten bastap 2017 jylǵa deıin «Qazaqstan temir joly» UK» AQ quramynda bola otyryp, TMD bes eline lokomotıv satty. 2006 jyly «Qazaqstan temir joly» UK» AQ Qazaqstanda teplovoz óndirisin oqshaýlaý jaǵdaıynda strategııalyq seriktes retinde GE Transportation,Wabtec Company kompanııalaryn anyqtap aldy.
Búgingi tańda LQZ qazaqstandyq qamtý úlesin únemi ulǵaıta otyryp, teplovozdardyń barlyq negizgi toraptaryn daıyndaıdy.
GE Transportation,Wabtec Company kompanııalary - lokomotıv qurastyrý salasynda álemdik kóshbasshy jáne 1520 mm tabandy jol úshin, sondaı-aq, «QTJ» UK»AQ úshin teplovoz jobasynyń ázirleýshisi. Olar álemniń kóptegen elderine lokomotıv jetkizýmen aınalysady.
2016 jylǵy jeltoqsanda Eýropalyq qaıta qurý jáne damý bankiniń ınternet-portalynda Moldavııa temir joldaryna 12 júk teplovozyn satyp alýǵa ashyq, eki kezeńdi tender jarııalandy. GE Transportation kompanııasy, Wabtec Company LQZ-men birge osy konkýrsqa qatysýǵa ótinim berdi. 2018 jyldyń qazan aıynda eki týrdyń qorytyndysy boıynsha GE Transportation, Wabtec Company ashyq tenderdiń jeńimpazy bolyp jarııalandy.
Osylaısha 2019 jyldyń shilde aıynda Nur-Sultan qalasynda Moldovaǵa «Evolution» serııasynyń 12 qazaqstandyq lokomotıvterin jetkizýge GE Transportation, Wabtec Company jáne LKZ arasynda shartqa qol qoıyldy. Teplovoz «QTJ»UK» AQ mamandarymen ázirlengen tehnıkalyq talaptardy eskere otyryp, jobalandy. Tehnıkalyq tapsyrmada kórsetilgen talaptar 1520 joltabany elderiniń temir jol kompanııalarynyń qajettiligine jaýap beretin lokomotıvti alýǵa múmkindik berdi.
Otandyq ónimdi eksporttaý boıynsha bul mámile, lokomotıv tartymyn jańartý baǵdarlamasy boıynsha zaýyttyń «QTJ» UK»AQ-men kópjyldyq birlesken jumysynyń nátıjesi bolyp tabylady.
«Evolution» serııasynyń qazaqstandyq lokomotıvi Qyrǵyzstan, Tájikstan, Ýkraına, Túrikmenstan jáne Ázirbaıjan temir joldarynda tabysty paıdalanylýda, endi olardyń qataryna Moldova da bar.