Qazaqstanda jasalǵan kólikti arnaıy nesıemen alýǵa bolady
«Qazaqstan damý banki» AQ Jeńildikpen avtokredıt berý baǵdarlamasy aıasynda Ulttyq qor qarajatynyń 8 mlrd teńge bolatyn úshinshi transhyn ekinshi deńgeıdegi bes bankke: Halyk Bank, Eýrazııalyq bank, «Reseı jınaq bankiniń» Qazaqstandaǵy enshiles bankine jáne «TsentrKredıt» bankine 1 mlrd 875 mln teńgeden, VTB enshiles bankine - 500 mln teńgeden aýdardy», - delingen «Qazaqstan damý banki» AQ qoǵammen baılanys qyzmetiniń habarlamasynda.
Qoǵammen baılanys qyzmetiniń habarlaýynsha, banktiń qazaqstandyqtarǵa elimizde shyǵarylatyn jeńil avtokólikti satyp alýǵa kredıt berýdiń sharttary mynadaı: syıaqynyń nomınaldyq mólsherlemesi - jylyna 4%-dan shamasynda, kredıt berý merzimi - 7 jyldan aspaıdy, qaryz valıýtasy - teńge, bir dana jeńil avtokóliktiń quny - 15 mln teńgeden aspaýy kerek. Bastapqy jarnanyń mólsherin kommertsııalyq bankter derbes belgileıdi.
Baǵdarlama sheńberinde qaryz alýshylarǵa «Kia», «Chevrolet», «Skoda», «Hyundai» jáne t.b. avtokólik brendteriniń 60 modeli usynylady, olar «SaryarqaAvtoÓnerkásip» JShS jáne «AZIıA AVTO» AQ kásiporyndarynda qurastyrylady.
Qazaqstanda 2015 jyldyń sáýirinde bastaý alǵan Jeńildikpen avtokredıt berý baǵdarlamasy 20 jylǵa eseptelgen. Infraqurylymdyq damýdyń 2015-2019 jyldarǵa arnalǵan «Nurly jol» memlekettik baǵdarlamasy aıasynda bólinetin Ulttyq qor qarajaty baǵdarlamany qarjylandyrý kózi bolyp tabylady.
Buǵan deıin ony iske asyrýǵa Ulttyq qordyń jalpy somasy 26 mlrd teńge eki transhy jiberilgen bolatyn, olardy ekinshi deńgeıli bankter tolyǵymen ıgergen.
Jeńildikpen avtokredıt berý qarajaty esebinen 10 myńǵa jýyq qazaqstandyq otandyq óndiristiń jańa avtokólikterin satyp alǵan.