QAZAQSTANDA JASALǴAN: Qaraǵandy oblysynyń ákimi sýpermarkettegi otandyq ónimderdiń túr-túrimen tanysty (FOTO)
«Men sórelerdegi bizdiń, qazaqstandyq, qaraǵandylyq ónimdrdiń qanshalyqty ekenin kórý maqsatynda keldim. Bizde jergilikti óndiristiń barlyq bazalyq ónimderi - sút ónimderi, shujyq, et ónimderi, kámpıt jáne basqalary bar ekenin atap ótken jón», - dedi N.Ábdibekov jýrnalısterge bergen suhbatynda.
Oblys ákimi birqatar ónimderdi saýdalady. Onyń sebetin otandyq taýarlar ǵana: kartop, shujyq, bir qorap un, sút sýsyndary, kámpıt, túshpara oramy jáne bólke-nan toltyrdy. «Men barlyǵyn 3800 teńgege satyp aldym», - dep naqtylady N.Ábdibekov kassada aqshasyn tólegennen keıin.
Óńir basshysynyń aıtýynsha, ol otandyq óndiristiń sút ónimderin ǵana paıdalanady jáne jergilikti shujyq ónimderin alady.
«Eger kıim jóninde aıtar bolsam, búginde otandyq óndirýshilerdiń tigin ónimderi azdaý. Jármeńkelerdiń birinen ózime, balalarǵa uıyq (jergilikti óndiristiki - eskertý) satyp aldym. Sapasy jaqsy», dep qosty N.Ábdibekov.
Sýpermarket ıeleri sórelerine otandyq jáne jergilikti óndiris taýarlaryn toltyryp, «Qazaqstanda jasalǵan» aktsııasyna qoldaý kórsetti.
Jýrnalıster óńir basshysynyń qasyna erip júrgen Qaraǵandy qaalasynyń ákiminen qandaı jergilikti brendti biletini jóninde «emtıhan» aldy. Qala basshysy azyq-túlik ónimderin shyǵaratyn jıyrmaǵa tarta fırmany múdirmeı atap, synnan súrinbeı ótti.