«Qazaqstanda jasalǵan» brendin basqarý agenttigi quryldy
Jańa agenttiktiń aıasynda «EKSPO-2017» kórmesine arnap, «Halyq markasy» 100 ulttyq brendti qurý jobasy júzege asyrylady. Atalmysh jobaǵa tanymal ártister, sportshylar men depýtattar da qatyspaq. Jańa 100 ulttyq brend tamaq ónerkásibi, jıhaz, úı qajettilikteri, kıim-keshek jáne aıaq kıim salalarynda paıda bolady dep kútilýde. Olardyń barlyǵy Astanadaǵy «EKSPO» halyqaralyq kórmesinde usynylady.
«Agenttikti qurý meniń ózimniń bastamam. Eshqandaı memlekettik organ oǵan qarjy salyp otyrǵan joq. Men bunyń aldynda «EKSPO» alańynda jumys jasadym jáne mundaı sharalardyń el úshin qandaı paıda ákeletinin bilemin. Men EKSPO-dan ketip, ózimniń jobamdy ashtym.Eki jyl buryn qolǵa alynǵan bul joba qazir sátti júzege asyrylýda. Alǵash qadamymdy bastaǵanda mende tek ıdeıa ǵana bar bolatyn. Jeke qarajattarym bolǵan joq. Qazir eki jyldyń ishinde qazaqstandyq brendterdi uıymdastyrý arqyly olardy damytyp qana qoımaı, qarjylyq turǵyda da jetistikterge jettim», - deıdi federatsııa prezıdenti.
Onyń aıtýynsha, otandyq taýarlardy alǵa jyljytý óte paıdaly. Mysaly, Astanada ashylǵan otandyq taýarlar dúkeni - «Halyq markasy» kiris ákele bastaǵan. Qazirgi ýaqytta dúken sórelerinde 10 myńnan astam otandyq taýar satylýda. Sonymen qatar aldaǵy ýaqyttarda taǵy 500 ulttyq brend qosylady dep kútilip otyr. Sol kezde dúkendegi taýarlardyń sany, onyń sózine qaraǵanda, 100 myń birlikke jetedi. Onyń ústine otandyq ónimderdiń sapasy batys týarlarynan esh kem emes, al baǵasy arzan.
«Tutynýshylar otandyq taýarlarǵa qatty zárý. Sondyqtan otandyq kásipkerlerdi qazaqstandyq ónimdi taratýǵa belsendi atsalysýǵa shaqyramyn», - deıdi ol.
R. Tájibaevanyń aıtýyna qaraǵanda, olardyń josparynda «Halyq markasy» atty otandyq taýarlar dúkeniniń qosymsha 7 jelisin ashý kózdelgen.
«Mundaı jeliler sany arta bermek. Qazirgi ýaqytta osyndaı dúkenderdi ashýǵa Qaraǵandy, Atyraý, OQO tapsyrys jasap otyr. Sonymen qatar barlyq sýpermarketterdi otandyq taýarlarmen toltyrý jumystaryn ary qaraı jalǵastyra bermekpiz», - deıdi Rımma Tájibaeva.