«Qazaqstanda jasalǵan» brendimen taýarlardy erikti sertıfıkattaý júıesi qurylady
«Biz qazirgi zamanaýı saýda formattarynyń úlesin 2027 jylǵa qaraı 70 paıyzǵa deıin ulǵaıtýdy josparlap otyrmyz. Ol úshin bıznestiń 2023 jylǵa arnalǵan jol kartasynda birinshi kezeńde nesıeler boıynsha syıaqy mólsherin sýbsıdııalaý qajet. Ekinshi kezeńde, 2024 jyldan bastap qazirgi zamanaýı saýda formattarynyń qurylysyn qarjylandyrýdyń jeke salalyq baǵdarlamasy qarastyrylady. Sondaı-aq, óńirlik deńgeıde zattaı granttardyń berilý múmkindigin qarastyrý qajet», - dedi ol.
Birinshi vıtse-mınıstrdiń dereginshe, osy jyldyń sońyna deıin saýda salasynda memlekettik baqylaýdyń biryńǵaı tetigin engizýdi kózdeıtin Prezıdent tapsyrmalaryn iske asyrý aıasynda zań qabyldanady.
«Qazaqstanda jasalǵan» brendimen taýarlardy erikti sertıfıkattaýdyń júıesin qurý jáne tehnıkalyq retteý quraldary arqyly ishki naryqty qorǵaýdyń jańa modeli ázirlendi. Saýdadaǵy tehnıkalyq kedergiler boıynsha ahýaldyq shtab quryldy. Importtyq ónim dempıngisinen qorǵaý men óz óndirisimizdi ulǵaıtý úshin áleýmettik mańyzy bar azyq-túlik taýarlaryna eń tómengi kóterme baǵalardy engizý jónindegi zańnamaǵa túzetý engiziledi», - dedi Arman Shaqqalıev.