Qazaqstanda jasalǵan biregeı operatsııa bizden góri shetelde kóp talqylandy - Dáýren Abaev
«Shynynda da, bul ıÝrıı Vladımırovıch Pıa basqaryp otyrǵan kardıohırýrgtardy ǵana emes, búkil otandyq medıtsınany quttyqtaýǵa turarlyq jańalyq. Bul - álemdik aýqymdaǵy jetistik. Bilesiz be, bul jańalyq bizdiń elden góri shetelde keńinen talqylanǵan taqyryptardyń biri. Almatylyq patsıent Ismaıl Tursynovqa qan aınalymy úshin qosalqy qurylǵy ımplantatsııasy jasaldy. Mundaı ota álemniń birde-bir elinde jasalmaǵan. Jylyna 150-ge tarta patsıent osyndaı otaǵa muqtaj bolady. Búkil álemniń medıtsına salasyndaǵy kásipqoı mamandary men sarapshylary osy jetistikti erekshe atap ótýde. Meniń oıymsha, bul qadam bizdiń eldegi densaýlyq saqtaý salasynyń jaqsy kórsetkishi bola alady», - dedi Dáýren Abaev.
Eske sala ketsek, Ulttyq ǵylymı kardıoxırýrgııalyq ortalyq mamandary jaqynda álem boıynsha alǵash ret taǵy sátti operatsııany jasaǵan bolatyn. Onyń basty ereksheligi sol, adamnyń júregine symsyz qanaınalym qurylǵysy ornatylǵan.
Ortalyq basshysy ıÝrıı Pıanyń aıtýynsha, júrektiń sol jaq qarynshasynyń kómekshi qurylǵysy adamǵa erkin qozǵalýǵa múmkindik beredi. Sebebi syrtqa eshqandaı kabelder shyǵarylmaıdy. Al qanaınalym qurylǵysyn zarıadtaý ońaı, onyń qýaty 8 saǵatqa jetedi. Biregeı operatsııa 24 jastaǵy Ismaıl Tursynovqa jasaldy.