QAZAQSTANDA JASALǴAN: Almatyda ǵalymdar qartaıýdy baıaýlatatyn dári oılap tapty
Jańa biregeı joba týraly QazAqparat tilshisine ǵalymdar tobynyń múshesi,
Qazaqstan-Reseı medıtsınalyq ýnıversıtetiniń ǵylym, halyqaralyq qatynastar, kásibı medıtsınalyq mamandardy daıarlaý departamentiniń dırektory Alma Mánsháripova aıtyp berdi.
«ıÝvelaks» maıly balzamy antıoksıdanttyq qasıetterimen belgili shıkizattar: qalaqaı, asqabaq, palma, bıdaı, búrgen dánderinen jasalǵan.
Dármek jasýshalar men tinderdiń zaqymdanýyn azaıtyp, qaıta qalpyna kelýin, erkin radıkaldy reaktsııalardyń teńdigin qamtamasyz etedi. Aǵzadaǵy maı almasýyn retteıdi.
Alma Mánsháripovanyń aıtýynsha, ǵylymı jumys 2009 jyldan beri jalǵasyp keledi. Jańa dármek birqatar saraptaýlar men tekserýden sátti ótip, óndirýshiler QR Densaýlyq saqtaý jáne áleýmettik damý mınıstrliginiń ruqsatyn aldy. Endi ony Kedendik odaq aıasynda óndirip satýǵa zań ruqsat etip otyr.
«Biz ǵalym retinde egde jastaǵy adamdarǵa qoljetimdi qandaı ónim usyna alatynymyzdy oılastyrdyq. Biz qazaqstandyqtardyń barlyǵyna paıda keltiretin dúnıe jasaýdy uıǵardyq. «ıÝvelaks» dári emes, ol bıologııalyq belsendi qosyndy bolyp tabylady», - dedi professor.
Jańa ónim halyq arasynda suranysqa ıe boldy. Ótken jyldyń ózinde quny 700-800 teńge bolatyn 1500 quty satyldy. Qazir ǵalymdar ǵylymı-klınıkalyq zertteý jumystarynan óndiriske bet aldy. Bolashaqta ónimniń qunyn odan da tómendetý josparda bar.