Qazaqstanda jarty jylda 5 650 tonna ýran óndirildi

ASTANA. QazAqparat - «Qazatomónerkásip» UAK» AQ-nyń 2014 jylǵy II toqsandaǵy qyzmetiniń qorytyndysy jarııalandy. «2014 jyldyń II toqsanynyń qorytyndysy boıynsha Qazaqstan Respýblıkasynda óndirilgen ýran kólemi josparlyq kórsetkishterge sáıkes, 5 650 tonnany qurady. «Qazatomónerkásip» UAK» AQ enshiles jáne baǵynyshty kásiporyndardaǵy úlesin qosa eseptegende 2014 jyldyń II toqsanynda 3 278 tonna kóleminde ýran óndirdi», - delingen habarlamada.

Esepti kezeńde «Úlbi metallýrgııa zaýyty» AQ 476 tonna berıllıı jáne 65 tonna tantal ónimderin shyǵardy.

«MAEK-Qazatomónerkásip» JShS 2014 jyldyń sáýir-maýsym aılarynda Aqtaý qalasy men Mańǵystaý oblysyndaǵy tutynýshylar úshin 1 153 mln kVt*saǵat elektr energııasyn, 650 myń GKal jylý energııasyn, 313 mln tekshe metr sý, sonyń ishinde 3,05 mln tekshe metr aýyz sý óndirdi. Bul kórsetkishter óńirdiń qýat resýrstary men sýǵa bolǵan suranysyn qanaǵattandyra alady. «Qazatomónerkásipe» UAK» AQ óziniń damý baǵdarlamasyna sáıkes ekinshi toqsanda da Kompanııa qyzmetiniń strategııalyq baǵyttary boıynsha konversııa, baıytý jáne ıadrolyq otyn óndirý salalaryndaǵy jumystaryn tabyspen jalǵastyrdy. «SARECO» BK» JShS 2014 jyldyń II toqsanynda sırek jer metaldardyń ujymdyq kontsentratyn bólý jáne odan ári Japonııaǵa jetkizý úshin jóneltýdi bastady. «Astana Solar» JShS II toqsanda jıyntyq qýaty 2,2 MVt energııaǵa teń 9 231 panel shyǵardy.