Qazaqstanda jarty mıllıonǵa jýyq muǵalim bar

<p>Bıyl alǵash ret Ustazdar kúni 5 qazanda atalyp ótedi. QR Úkimeti tıisti qaýlyny qabyldaǵan bolatyn, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Oqý-aǵartý mınıstrligine silteme jasap.&nbsp;</p>

Bul kún Dúnıejúzilik muǵalimder kúnimen sáıkestendirilgen. Mereke eń asyl, jaýapty ári mańyzdy mamandyq ókilderin biriktiredi.

Bul kúni elordada Pedagogterdiń respýblıkalyq sezi ótedi. Oǵan elimizdiń barlyq aımaqtarynan 700-ge jýyq ustaz qatysady.

Kezdesý alańynda pedagogter eń ozyq jáne halyqaralyq tájirıbesin bólise alady.

Aıta keteıik, búginde Qazaqstannyń bilim berý salasynda 500 myńǵa jýyq mektepke deıingi, orta, tehnıkalyq jáne kásiptik bilim berý pedagogi jumys isteıdi.

Memleket basshysynyń qoldaýymen 2019 jyly mańyzdy máseleniń biri – pedagog mamandyǵyna erekshe mártebe berý jóninde sheshim qabyldandy.

Tórt jyl ishinde pedagogterdiń jalaqysy eki ese ósti.

220 myńǵa jýyq muǵalimge taǵaıyndalǵan sanatyna qaraı 50 paıyzǵa deıin ústemeaqy tólenip otyr. 

Óndiristen qabyldanǵan tehnıkalyq jáne kásiptik bilim berý pedagogteri jalaqysyna 35 paıyzǵa deıin qosymsha aqy alady.

Osy jyldyń qyrkúıek aıynan bastap 97 myń muǵalimniń jalaqysy taǵy 30 paıyzǵa ósti.