Qazaqstanda janýarlardy jansyzdandyrý múmkin bolatyn erejeler aıqyndalady

NUR-SULTAN. QazAqparat – Qazaqstanda janýarlardy jansyzdandyrý múmkin bolatyn erejelerdi zańnamalyq túrde anyqtaý josparlanýda. Bul týraly QR Ekologııa, geologııa jáne tabıǵı resýrstar vıtse-mınıstri Álııa Shalabekova Májiliste «Janýarlarǵa jaýapkershilikpen qaraý týraly» zań jobasyn tanystyrý kezinde aıtty, dep habarlaıdy QazAqparat tilshisi.

«Zań jobasynyń bólek baby janýarlardy jansyzdandyrý nemese óligin paıdalaný erejelerine jáne onymen kúresýge arnalǵan, atap aıtqanda, janýarlardy jansyzdandyrý, óltirý múmkin bolatyn jaǵdaılar anyqtaldy, osy protsedýrany júrgizý kezindegi, onyń ishinde veterınarııa salasyndaǵy ulttyq zańnama talaptaryn saqtaı otyryp, mindetti talaptar aıqyndalǵan», - dedi vıtse-mınıstr.

Odan bólek, zań jobasynda birneshe másele qarastyrylǵan:

1) janýarlarǵa qarym-qatynas salasyndaǵy memlekettik organdardyń ókilettikterin bólý;

2) janýarlardy asyraýǵa jáne tasymaldaýǵa, sondaı-aq ósirýge jáne veterınarııalyq qyzmetter kórsetýge qoıylatyn jalpy talaptar;

3) janýarlarǵa qatygezdikpen qaraýdy nasıhattaýǵa tyıym salý.

Budan basqa, zań jobasynda tómende kórsetilgen sanattaǵy janýarlarǵa qarym-qatynas jáne asyraý kezindegi talaptar aıqyndalǵan:

1) mádenı oıyn-saýyq maqsattarynda;

2) eksperımenttik (zerthanalyq) janýarlar;

3) Qyzmettik janýarlardy;

4) úı janýarlary;

5)qaraýsyz jáne qańǵybas janýarlar.