Qazaqstanda jańartylatyn energııa kólemi artyp keledi

NUR-SULTAN. QazAqparat – Energetıka mınıstri Nurlan Noǵaevtyń aıtýynsha jańartylatyn energııa kózderi nysandarynan óndirilgen elektr energııasynyń kólemi jyl basynda belgilengen jospardan asyp túsken, dep habarlaıdy QazAqparat tilshisi.

«10 aıdyń ishinde elimizde 87,1 mlrd kVt saǵat elektr energııasy óndirildi. Bul kórsetkish osy jyldyń 10 aıynyń josparyna teń – ıaǵnı 100 %. Elektr energııasyn óndirý tikeleı energııa tutyný kólemine qatysty ekendigin aıta ketken jón. Esepti kezeńde iri apattyq jaǵdaılar tirkelgen joq. 10 aı ishinde 16 643,4 tonna ýran óndirildi, bul esepti aıdyń josparyna 102,7%-na teń», - dedi Nurlan Noǵaev Úkimet otyrysynda.

Onyń aıtýynsha osy jyldyń 9 aıynyń qorytyndysy boıynsha jańartylatyn energııa kózderi nysandary óndirgen elektr energııasynyń kólemi 2,37 mlrd Kvt saǵ qurap otyr. Bul osy jyldyń 9 aıynyń josparynan asyp túsip, ıaǵnı 101,3 %-dyq kórsetkishke jetken.