Qazaqstanda janar-jaǵarmaıdyń shekti baǵasyn qadaǵalaý joıylmaq

<p>ASTANA. KAZINFORM &ndash; Elimizde janar-jaǵarmaıdyń shekti baǵasyn joıý týraly norma pysyqtaldy. Bul týraly elordada elimizdiń ekonomıkasy taqyrybyna arnalǵan dóńgelek ústel otyrysynda QR Básekelestikti qorǵaý jáne damytý agenttigi tóraǵasy Marat Omarov málim etti.</p>

Onyń aıtýynsha, buǵan Ortalyq Azııa óńirindegi otynǵa degen teńgerimsizdik jáne baǵanyń tómen bolýyna baılanysty Qazaqstannan basqa elderge janarmaı aǵyny sebep boldy.

«Shekti baǵadan bas tartý jóninde sheshim qabyldandy, biraq bul máseleni naryqtaǵy negizgi oıynshylarmen pysyqtaý eskerilgen. Buǵan deıin Petrosun kompanııasy naryqtyń 50 paıyzǵa jýyǵyn qamtyǵan edi. Alaıda bul aktıv «QazMunaıGaz» qurylymyna qaıtaryldy. Qazir janar-jaǵarmaı naryǵynyń 80 paıyzy memleket baqylaýynda», - dedi M.Omarov.

Onyń aıtýynsha, janar-jaǵarmaı baǵasynyń shekti deńgeıin memleket tarapynan retteýdi azaıtý mańyzdy qadam sanalady.

«Qazir monopolııaǵa qarsy zańnamany buzýǵa jol bermeý boıynsha iri jelilermen jumys isteýge qatysty tetikter pysyqtalyp jatyr. Jalpy, baǵany qatań qadaǵalaýdan birtindep bas tartqan jón», - dedi agenttik basshysy.

Eske salsaq, bıyl qyrkúıek aıynda QR Energetıka mınıstri Almasadam Sátqalıev Qazaqstanda aldaǵy ýaqytta janar-jaǵarmaı baǵasynyń kúrt óspeıtinin aıtty.