Qazaqstanda jańa uıaly baılanys operatorlarynyń paıda bolý múmkindigi joq

ASTANA. QazAqparat - Jańa uıaly baılanys operatorlary Qazaqstan naryǵyna kirý úshin lıtsenzııa alýǵa ótinim jasamaǵan. Bul týraly «QazAqparat» HAA resmı saýalyna QR Aqparat jáne kommýnıkatsııalar mınıstrliginiń baspasóz qyzmetinen habarlandy.

«Baılanys týraly» Qazaqstan Respýblıkasy zańynyń 2-babynyń 20-tarmaǵyna sáıkes, radıojıilik spektri Qazaqstan Respýblıkasynyń ulttyq resýrsy bolyp tabylady. Ulttyq resýrstyń shekteýligine baılanysty Qazaqstan Respýblıkasynyń aýmaǵynda jańa uıaly baılanys operatorlarynyń paıda bolý múmkindigi joq»,-dep atap ótilgen vedomstvo jaýabynda.

Sonymen, Qazaqstan Respýblıkasynyń aýmaǵyn qamtý mindetterin iske asyrý, sondaı-aq túpkilikti tutynýshylarǵa baǵanyń deńgeıin tómendetý maqsatynda mınıstrlik «Qazaqstan Respýblıkasynyń keıbir zańnamalyq aktilerine aqparat jáne kommýnıkatsııalar máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańynyń jobasy sheńberinde radıojıilik spektrin birlesip paıdalaný normasyn qarastyrdy.

«Sondaı-aq, baılanys salasyndaǵy qyzmetterdi usynýǵa lıtsenzııa alý úshin ótinish mınıstrliktiń atyna kelip túspegenin habarlaımyz»,-deıdi baspasóz qyzmeti.

Belgili bolǵandaı, bıyl uıaly baılanys operatorlary tarapynan Qazaqstan Respýblıkasy zańnamasyn buzý faktileri tirkelmegen.