Qazaqstanda jańa óndiristi qoldaıtyn saıt ashyldy

NUR-SULTAN. QazAqparat – Qazaqstandyq kásipkerler men taýar óndirýshiler svoyzavod.kz saıtynda jańa óndirister qurý baǵdarlamasyna qatysa alady. Bul týraly «Samuryq-Qazyna» ulttyq ál-aýqat qory» AQ Basqarma tóraǵasynyń orynbasary Álisher Pirmetov málimdedi, dep habarlaıdy QazAqparat.

Samruk Akparat alańynda ótken onlaın brıfıngte spıker jańa óndiris baǵdarlamalaryn qoldaý maqsatynda svoyzavod.kz saıty ashylǵanyn habarlady. Bul saıtta qazaqstandyq kásipkerler men taýar óndirýshiler jańa óndiris qurý baǵdarlamasyna qatysýǵa ótinim bere alady.

Saıtty paıdalanýshy eki baǵyt boıynsha ótinim bere alady: eger taýar alańda bolsa, ótinishterdiń úlgisin kóshirip alyp, off-teık sharttar jasasý úshin ótinim jasaý qajet.

Al eger taýar alańda bolmasa nemese elde óndiris balamasy bolmasa, úlgini júktep alyp, ımportty almastyrýdy qosý ótinimin tirkeý qajet.

«Sonymen birge, saıtqa kirýshi usynylǵan bólimderde kompanııalar toby qajet etip otyrǵan taýarlar alańy týraly, off-teık kelisimsharty mehanızmi týraly aqparatty zerdeleı alady jáne jıi qoıylatyn suraqtarǵa jaýap jáne júzege asyrylǵan jobalar týraly aqparat ala alady», - dep túsindirdi «Samuryq-Qazyna» UÁQ» AQ baspasóz ortalyǵynyń jetekshisi Aıgúl Qasenova.