Qazaqstanda jańa ınternet-portal ashylmaq
Atalmysh baǵdarlama Elbasynyń «Bolashaqqa baǵdar: rýhanı jańǵyrý» maqalasy aıasynda bergen tapsyrmasy boıynsha ázirlengen «Týǵan jer» baǵdarlamasynyń, sondaı-aq «Rýhanı jańǵyrý» qoǵamdyq sanany jańǵyrtý baǵdarlamasynyń qurylymdyq bólimi bolyp tabylady.
Kezdesý barysynda úkimettik emes uıymdar men sarapshylyq qaýymdastyq ókilderi úsh negizgi jobadan: «Azamattyq bastamalar kartasy», «Azamattyq baqylaý», «Jomart júrek» turatyn ishki baǵdarlamany iske asyrýdyń negizgi tujyrymdamalyq tásildemelerin qarastyrdy.
«Azamattyq bastamalar kartasy» negizgi jobasynyń basty mindeti óńirlerdiń kókeıkesti qajettilikterin anyqtaý, azamattyq bastamalardy yntalandyrý, sondaı-aq memleketti, bıznes-qurylymdar, úkimettik emes uıymdardyń ókilderi men eriktilerdi óńirlik jobalardy júzege ayrý men qoldaýǵa tartý bolyp tabylady.
«Azamattyq baqylaý» jobasynyń maqsaty - aıryqsha ótkir áleýmettik mańyzy bar máselelrdi jedel sheshý, sonymen qatar memlekettik organdar qyzmetiniń tıimdiligin azamattardyń baǵalaý mehanızmin qurý.
«Jomart júrek» negizgi jobasyn iske asyrý turǵyndardy kishi otandy damytýǵa qatysýyna yntalandyrýǵa baǵyttalǵan.
Іs-sharaǵa Erlan Saırov (saıasattanýshy), Aıgýl Soloveva («Aımaq» QQ), Esentúgel Eleýken («Qazaqstan KVN odaǵy» RJQB), Qanat Áýesbaı (UAQ «Azamattyq bastamalardy qoldaý ortalyǵy» saraptaý komıssııasynyń múshesi), Qaırat Elýbaev («Qaharman urpaq» QQ), Baıan Ahmetjanova («Ardager» QQ), Elena Dmıtrıenko («Juldyz» QB), Chıngız Lepsıbaev («Eurasian Expert Council» QQ), Nurlan Ótesh (UAQ «Azamattyq bastamalardy qoldaý ortalyǵy») jáne t.b. qatysty.
Talqylaý barysynda kezdesý qatysýshylary jobalardy iske asyrý boıynsha birqatar sharalar usyndy.
QR Din isteri jáne azamattyq qoǵam vıtse-mınıstri Abzal Núkenov «Atameken» ishki baǵdarlamasynyń tujyrymdamasyn iske asyrý azamattyq bastamany arttyrýǵa septigin tıgizedi dep atap ótti. Atalmysh joba aıasynda áleýmettik jáne ózge máselelerdi sheshýge ár azamattyń úles qosý múmkindigi qarastyrylǵan. Mysal úshin, ETsQ arqyly azamattardyń kókeıkesti máseleleri men ony sheshý joldary boıynsha usynystar joldanatyn ınternet-portal qurý josparlanǵan.
Saıasattanýshy Erlan Saırov bul jobalardy júzege asyrý barlyq qazaqstandyqtardy biriktirýge múmkindik beredi dep atap ótti. Osy oraıda atalmysh ınternet-portaldy ázirleý men ilgeriletý úderisine barlyq azamattardyń qatysýyn qamtamasyz etý úshin, bul máseleni egjeı-tegjeıli qarastyrýdy usyndy.
Óz kezeginde, belgili jýrnalıst Qanat Áýesbaı jobalardy iske asyrýda jobalardyń tıimdiligin baǵalaýǵa múmkindik beretin tıimdiliktiń negizgi kórsetkishterin (KPI) eskerý qajettiligin aıtty.
Іs-shara qorytyndysy boıynsha QR Din isteri jáne azamattyq qoǵam vıtse-mınıstri Abzal Núkenov úkimettik emes uıymdar men sarapshylyq qaýymdastyq ókilderin sarapshylar men keńesshiler retinde jobalyq toptardyń jumysyna, sondaı-aq iske asyrylyp jatqan jobalarǵa qoǵamdyq monıtorıngke belsene qatysýǵa shaqyrdy.