Qazaqstanda jańa baspanalar 1,4% qymbattady

ASTANA. QazAqparat - 2018 jyldyń mamyrynda Qazaqstanda jańa baspananyń bir sharshy metriniń ortasha baǵasy 263 853 teńgeni qurady. Bul ótken aıdaǵy kórsetkishten 0,3 protsentke, 2017 jyldyń jeltoqsanymen salystyrǵanda 1,4 protsentke joǵary, dep habarlaıdy QazAqparat tilshisi QR Ulttyq ekonomıka mınıstrligi statıstıka komıtetine silteme jasap.

Qaıta satylǵan jaılastyrylǵan páterdiń 1 sharshy metriniń ortasha quny mamyr aıynda 186 564 teńgeni (ótken aıdaǵy kórsetkishten 0,2 protsentke jáne ótken jyldyń jeltoqsanymen salystyrǵanda 0,5 protsentke artqan), al jaılastyrylmaǵan baspana  - 115 513 teńgeni (sáıkesinshe, +0,1 protsent jáne +0,9 protsent) qurady.

Qazaqstanda jaılastyrylǵan baspanany jaldaýdyń 1 sharshy metriniń ortasha baǵasy ótken aıda 1341 teńge (0 jáne +0,9 protsent) boldy.