Qazaqstanda jańa áýe kompanııasy qurylýy múmkin be

ASTANA. QazAqparat – Indýstrııa jáne ınfraqurylymdyq damý mınıstri Marat Qarabaev otandyq áýe qatynasyna qatysty túsinik berdi, dep habarlaıdy QazAqparat tilshisi.

«Jalpy monopolııa deý durys emes túsinik. Búkil ishki áýe tasymalynyń 70% Air Astana jáne Fly Arystan júzege asyratynyn túsinemin, biraq bizde open sky. ıAǵnı, kez kelgen áýe tasymaldaýshy bizdiń aýmaqqa kelip, jumys isteı alady. Eshqandaı shekteý joq. Áýe júk tasymalyna qatysty jumys bastaldy, jańa avıatasymaldaýshymen kelissóz júrip jatyr», - dedi Marat Qarabaev Úkimet otyrysynan keıin BAQ ókilderiniń saýalyna.

Mınıstrdiń málimdeýinshe, Qazaqstan ishinde ushatyn sheteldik áýekompanııalardy tartý baǵytynda jumys júrip jatyr.

«Bizde eń basty másele - avıaotynmen qamtamasyz etý. Jalpy alǵanda, tasymaldy júzege asyrý úshin 1,3 mln lıtr avıaotyn kerek. Bizdiń munaı zaýyttarynyń múmkindigi 700 myńnan 1 mln-ǵa deıin. Áýe qatynasynyń sanyn ulǵaıtyp, jalpy avıakompanııalardy tartýǵa bolady. Basty másele - olardy avıaotynmen qamtamasyz etý. Osy oraıda ımporttaý máselesi pysyqtalyp jatyr», - deıdi ol.

Sonymen qatar M. Qarabaev «elimizde jańa áýekompanııa paıda bolýy múmkin be?» degen saýalǵa pikir bildirdi.

«Qazir biz basqa da kompanııalardy tartý úshin jumys istep jatyrmyz», - dep qysqa qaıyrdy.