Qazaqstan ońtústiginde jan basyna shaqqandaǵy jalpy ishki ónim óte tómen

<p>ASTANA. KAZINFORM &mdash; Ulttyq statbıýro elimizdiń jalpy ishki ónimi jáne ondaǵy baqylanbaıtyn ekonomıkanyń úlesi jaıly aqparat jarııalady.&nbsp;</p>

Byltyr óndirilgen jalpy ishki ónim (JІÓ) kólemi — 119 808 038,7 mln teńge. JІÓ ótken jylmen salystyrǵanda naqty mánde 5,1% ǵa ósti. 

Jalpy óńirlik ónimniń eń joǵary ósim qarqyny Jetisý oblysynda (12,6%), Almaty qalasynda (9,7%) jáne Atyraý oblysynda (7,4%) baıqaldy.

JІÓ ósýine Almaty qalasy (1,88 p. t.), Atyraý oblysy (0,98 p. t.) jáne Astana qalasy (0,54 p. t.) eń úlken úles qosty.

Foto: Ulttyq statbıýro

Al jalpy ishki ónimdegi baqylanbaıtyn ekonomıkanyń úlesi 17,52% boldy jáne aldyńǵy jylmen salystyrǵanda 1,26%-ǵa kemidi.

Baqylanbaıtyn ekonomıkanyń jalpy óńirlik ónimdegi eń az úlesi Atyraý (9,63%), Ulytaý (10,39%) jáne Batys Qazaqstan (12,31%) oblystarynda baıqalyp otyr. 

Eń úlken úles — Jetisý (32,29%), Túrkistan (30,81%) jáne Jambyl (24,24%) oblystarynda. 

Aıta keteıik, baqylanbaıtyn ekonomıka — ulttyq shottardy qurý úshin paıdalanylatyn negizgi derekkózden aqparat jınaý kezinde qamtylmaǵan óndiristik qyzmet túrleri.   

2023 jyly jan basyna shaqqandaǵy jalpy ishki ónim 6020,4 myń teńge boldy.

Óńirler bólinisinde bastapqy qatardy Atyraý oblysy (20509,2 myń teńge), Almaty qalasy (11340,6 myń teńge) jáne Ulytaý oblysy (9367,5 myń teńge) aldy, al sońǵy qatarlarda Túrkistan (1902,6 myń teńge), Jetisý (2444,9 myń teńge) jáne Jambyl (2500,5 myń teńge) oblystary ornalasqan.